കൊടുങ്ങല്ലൂർ: സ്കൂട്ടർ കണ്ടെയ്നർ ലോറിക്കടിയിൽപ്പെട്ട് യുവദന്പതികൾ മരിച്ചു. കാര പുതിയറോഡ് സ്വദേശി നെടുംപറന്പിൽ അബ്ദുൾ കരീമിന്റെ മകൻ മുഹമ്മദ് ഷാൻ (34), ഭാര്യ ഹസീന (30) എന്നിവരാണ് മരിച്ചത്.
ഇന്നലെ വൈകുന്നേരം ആറുമണിയോടെ മൂത്തകുന്നം പാലത്തിലായിരുന്നു അപകടം. വിദേശത്തായിരുന്ന മുഹമ്മദ് ഷാൻ ഒരാഴ്ച മുൻപാണ് നാട്ടിലെത്തിയത്. ക്വാറന്റൈൻ കാലാവധി കഴിഞ്ഞ് ഇന്നലെ ഭാര്യയെ എറണാകുളം ലിസി ആശുപത്രിയിൽ ചികിത്സാർഥം കൊണ്ടുപോയി ഇരുചക്രവാഹനത്തിൽ മടങ്ങുകയായിരുന്നു.
ഒരേ ദിശയിൽ പോവുകയായിരുന്ന കണ്ടെയ്നർ ലോറിയെ മറികടക്കുന്നതിനിടെ സ്കൂട്ടർ ലോറിക്കടിയിലേക്കു പോവുകയായിരുന്നു. ഹസീനയുടെ തലയിലൂടെയും മുഹമ്മദ് ഷാന്റെ ശരീരത്തിലൂടെയും ലോറി കയറിയിറങ്ങി. സംഭവസ്ഥലത്തുതന്നെ ഇരുവരും മരിച്ചു.
കൊടുങ്ങല്ലൂർ പോലീസെത്തി മൃതദേഹം താലൂക്കാശുപത്രി മോർച്ചറിയിലേക്കു മാറ്റി. വിദ്യാർത്ഥികളായ അമൻ ഫർഹാൻ, നിയ ഫാത്തിമ എന്നിവർ മക്കളാണ്. സീനത്താണ് മുഹമ്മദ് ഷാന്റെ മാതാവ്.
സ്കൂട്ടർ അപകടത്തിൽ യുവദന്പതികൾ മരിച്ചു
12:43 AM Jun 15, 2021 | Deepika.com