കോട്ടയം: കല്ലിശേരിയിൽ നിർമാണം പൂർത്തിയായ ഡോ. കെ.എം. ചെറിയാൻ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ് സൂപ്പർ സ്പെഷാലിറ്റി ആശുപത്രി ഉദ്ഘാടനം നാളെ 10.30ന് മുഖ്യമന്ത്രി പിണറായി വിജയൻ നിർവഹിക്കും. മന്ത്രി എ.സി. മൊയ്തീൻ അധ്യക്ഷത വഹിക്കും. പ്രതിപക്ഷ നേതാവ് രമേശ് ചെന്നിത്തല, ഉമ്മൻ ചാണ്ടി, കെ. സുരേന്ദ്രൻ, കൊടിക്കുന്നിൽ സുരേഷ്, സജി ചെറിയാൻ, കെ.ജെ. തോമസ്, എം.ജി. രാജമാണിക്കം തുടങ്ങിയവർ പങ്കെടുക്കും.
യുഎഇയിലെ ബോസ്കോ ഗ്രൂപ്പ് ഓഫ് കന്പനീസ് സിഎംഡിയും ലേക്ഷോർ ഹോസ്പിറ്റൽ സ്ഥാപകനും വൈസ്ചെയർമാനും, വെൽകെയർ ഹോസ്പിറ്റൽ, വെൽകെയർ കോളജ് ഓഫ് നഴ്സിംഗ് എന്നിവയുടെ ചെയർമാനുമായ പി.എം. സെബാസ്റ്റ്യൻ ആശുപത്രിയുടെ ചെയർമാനും ഡയറക്ടർ ബോർഡംഗവുമാണ്. പ്രമുഖ ഹൃദ്രോഗ വിദഗ്ധനും മദ്രാസ് മെഡിക്കൽ മിഷൻ സ്ഥാപക ഡയറക്ടറുമായ പത്മശ്രീ ഡോ. കെ.എം. ചെറിയാനാണ് ആശുപത്രിയിലെ മെഡിക്കൽ വിഭാഗത്തെ നയിക്കുന്നത്. പത്രസമ്മേളനത്തിൽ ഡോ. കെ.എം. ചെറിയാൻ, വൈസ്ചെയർമാൻ സിബിൻ സെബാസ്റ്റ്യൻ, മാനേജിംഗ് ഡയറക്ടർ ഫാ. അലക്സാണ്ടർ കൂടാരത്തിൽ, ഡയറക്ടർ എൻ.സി. ജോസഫ് എന്നിവർ പങ്കെടുത്തു.
ഡോ. കെ.എം. ചെറിയാൻ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ് ഉദ്ഘാടനം നാളെ
12:27 AM Mar 07, 2021 | Deepika.com