കണ്ണൂർ: ശ്രീ എം അറിയപ്പെടുന്ന ആത്മീയാചാര്യനാണെന്ന് സിപിഎം സംസ്ഥാന സമിതിയംഗം പി. ജയരാജൻ കണ്ണൂരിൽ മാധ്യമങ്ങളോട് പറഞ്ഞു. ശ്രീ എം മുൻകൈയെടുത്തത് രാഷ്‌ട്രീയസംഘർഷം അവസാനിപ്പിക്കാനാണ്. ഇതിനെ സിപിഎം-ആർഎസ്എസ് ബന്ധമായി കൽപ്പിക്കുന്നത് ജമാഅത്തെ ഇസ്‌ലാമിയാണെന്നും പി. ജയരാജൻ പറഞ്ഞു.
2019-ൽ കണ്ണൂരിൽ ശ്രീ എം പദയാത്ര നടത്തിയിരുന്നു. ഈ യാത്രയിൽ കോൺഗ്രസ് നേതാക്കളും സിപിഎം നേതാക്കളും പങ്കെടുത്തിരുന്നു. തലശേരിയിലും പയ്യന്നൂരിലും സമാധാനയോഗങ്ങൾ ചേർന്നിരുന്നു. നാടിന്‍റെ സമാധാനം നിലനിർത്താനാണ് യോഗം ചേർന്നത്.
നാടിന്‍റെ സമാധാനത്തിനായി നടന്ന ഉഭയകക്ഷി ചർച്ച വേറെ രീതിയിൽ ചിത്രീകരിക്കുന്നത് യുഡിഎഫ്-ആർഎസ്എസ് ബന്ധം മറച്ചുവയ്ക്കാനാണ്. എം.വി. ഗോവിന്ദന്‍റെ പ്രസ്താവന എന്തുകൊണ്ടെന്ന് അറിയില്ല. ചർച്ച നടന്നില്ലെന്ന് എം.വി. ഗോവിന്ദൻ പറഞ്ഞത് ഏതു സാഹചര്യത്തിലാണെന്ന് തനിക്കറിയില്ലെന്നും പി.ജയരാജൻ പറഞ്ഞു.
ശ്രീ എം ആത്മീയാചാര്യനെന്ന് ജയരാജൻ
01:04 AM Mar 04, 2021 | Deepika.com