കൊച്ചി: ജിഎസ്ടി നിയമത്തിന് കീഴിലുള്ള ഓഡിറ്റ് നിര്ത്തലാക്കാനുള്ള നീക്കം ഉപേക്ഷിക്കണമെന്ന ആവശ്യവുമായി ഇന്സ്റ്റിറ്റ്യൂട്ട് ഓഫ് ചാര്ട്ടേര്ഡ് അക്കൗണ്ടന്റ്സ് ഓഫ് ഇന്ത്യയുടെ ഭാരവാഹികള് കേന്ദ്ര മന്ത്രി നിര്മല സീതാരാമനു നിവേദനം നല്കി.
വ്യാപാര വ്യവസായ മേഖലയുടെ സുഗമമായ പ്രവര്ത്തനത്തിനുവേണ്ടി നിയമപാലനം ലഘുകരിക്കാനുള്ള നീക്കങ്ങള് ഗുണം ചെയ്യുമെങ്കിലും ജിഎസ്ടി ഓഡിറ്റ് അപ്പാടെ നിര്ത്തലാക്കാനുള്ള നീക്കം നികുതി വരുമാനത്തിന് തിരിച്ചടിയാകുമെന്ന് ഇന്സ്റ്റിറ്റ്യൂട്ട് ഓഫ് ചാര്ട്ടേര്ഡ് അക്കൗണ്ടന്റ്സ് ഓഫ് ഇന്ത്യയുടെ കേന്ദ്ര കമ്മിറ്റിയംഗം ബാബു ഏബ്രഹാം കള്ളിവയലില് പറഞ്ഞു. ചാര്ട്ടേര്ഡ് അക്കൗണ്ടന്റുമാരുടെ അഭിപ്രായം ഗൗരവപരമായി പരിഗണിക്കുമെന്ന് കേന്ദ്ര ധനമന്ത്രി അറിയിച്ചതായും അദ്ദേഹം പറഞ്ഞു.
റീജണല് കൗണ്സില് മുന് ചെയര്മാന് ജോമോന് കെ. ജോര്ജ്, എറണാകുളം ശാഖ ചെയര്മാന് രഞ്ജിത് വാര്യര്, വൈസ് ചെയര്മാന് കെ.വി. ജോസ്, സെക്രട്ടറി ദീപ വര്ഗീസ്, ട്രഷറര് അലെന് ജോസഫ്, മുന് ചെയര്മാന്മാരായ പി.ആര്. ശ്രീനിവാസന്, റോയി വര്ഗീസ്, കമ്മിറ്റി അംഗം സലിം റഷീദ്, ചാര്ട്ടേര്ഡ് അക്കൗണ്ടന്റ് വിഷ്ണു പ്രസാദ് മേനോന് തുടങ്ങിയവരും സംഘത്തിലുണ്ടായിരുന്നു.
ചാര്ട്ടേര്ഡ് അക്കൗണ്ടന്റുമാർ കേന്ദ്ര ധനമന്ത്രിക്ക് നിവേദനം നല്കി
12:58 AM Mar 01, 2021 | Deepika.com