കൊച്ചി: ചേര്‍ത്തലയില്‍ ആര്‍എസ്എസ്-എസ്ഡിപിഐ സംഘര്‍ഷത്തില്‍ ഗുരുതര പരിക്കേറ്റ വാളയാര്‍ കടപ്പാലില്‍ സുഗുണന്‍റെ മകന്‍ കെ.എസ്. നന്ദു(23)വിന്‍റെ അറ്റുപോയ കൈമുട്ട് അതിസങ്കീര്‍ണമായ മൈക്രോവസ്കുലാര് ശസ്ത്രക്രിയയിലൂടെ തുന്നിച്ചേര്‍ത്തു. എറണാകുളം സ്‌പെഷലിസ്റ്റ് ആശുപത്രിയില്‍ ഇന്നലെ രാവിലെയാണ് ശസ്ത്രക്രിയ നടത്തിയത്. ഇടതു കൈയുടെ കൈമുട്ടാണ് അറ്റുപോയത്.
പ്ലാസ്റ്റിക് സര്‍ജന്‍ ഡോ.എ.ജെ.ഗില്‍ഡിന്‍റെ നേതൃത്വത്തില്‍ ആറര മണിക്കൂര്‍ നീണ്ട ശസ്ത്രക്രിയ വിജയകരമായിരുന്നുവെന്ന് ആശുപത്രി അധികൃതര്‍ പറഞ്ഞു. ശസ്ത്രക്രിയയ്ക്കു ശേഷം നന്ദുവിനെ തീവ്രപരിചരണവിഭാഗത്തിലേക്ക് മാറ്റി. ഡോ.സബിന്‍ വിശ്വനാഥ്, ഡോ.റെയ്ച്ചല്‍ നൈനാന്‍ എന്നിവരും ശസ്ത്രക്രിയയില്‍ പങ്കാളികളായി. സന്ദര്‍ശകര്‍ക്ക് വിലക്ക് ഏര്‍പ്പെടുത്തിയിട്ടുണ്ട്.
ആർ എസ് എസ്-എസ്ഡിപിഐ സംഘർഷം; നന്ദുവിന്‍റെ അറ്റുപോയ കൈമുട്ട് തുന്നിച്ചേര്‍ത്തു
12:56 AM Feb 26, 2021 | Deepika.com