കൊച്ചി: ഫാ. ജേക്കബ് ചക്കാത്ര സീറോ മലബാര്‍ സഭയുടെ യൂത്ത് കമ്മീഷന്‍ സെക്രട്ടറിയായി നിയമിതനായി. സഭയുടെ യൂത്ത് മൂവ്‌മെന്‍റിന്‍റെ ഗ്ലോബല്‍ ഡയറക്ടറായും ഇദ്ദേഹം പ്രവര്‍ത്തിക്കും.
ചങ്ങനാശേരി അതിരൂപതാംഗമാണ്. 2015 മുതല്‍ അതിരൂപതയിലെ യുവദീപ്തി എസ് എംവൈഎമിന്‍റെ ഡയറക്ടറായിരുന്നു. വചനപ്രഘോഷകനും ധ്യാനഗുരുവുമായ ഫാ. ചക്കാത്ര അതിരൂപതയിലെ തെള്ളകം പുഷ്പഗിരി, കോട്ടയം ലൂര്‍ദ്, അയര്‍ക്കുന്നം, ചാഞ്ഞോടി, കുമാരനല്ലൂര്‍ ഇടവകകളിലും, കെസിഎസ്എല്‍ അസിസ്റ്റന്‍റ് ഡയറക്ടറായും സേവനം ചെയ്തിട്ടുണ്ട്. ചമ്പക്കുളം സെന്‍റ് മേരീസ് ബസിലിക്ക ഇടവകയിലെ ചക്കാത്ര ജോസഫ് തോമസ് - മറിയാമ്മ ദമ്പതികളുടെ മകനാണ്.
ഫാ. ജേക്കബ് ചക്കാത്ര സീറോ മലബാര്‍ യൂത്ത് കമ്മീഷന്‍ സെക്രട്ടറി
01:45 AM Dec 01, 2020 | Deepika.com