തിരുവനന്തപുരം: കേരളത്തിൽ സിബിഐയെ നിരോധിക്കാനുള്ള ഓർഡിനൻസ് സർക്കാർ തയാറാക്കിക്കൊണ്ടിരിക്കുകയാണെന്നും അഴിമതിയും കൊള്ളയും മൂടിവയ്ക്കാനുള്ള ഈ ശ്രമത്തിൽ നിന്ന് സർക്കാർ പിന്തിരിയണമെന്നും പ്രതിപക്ഷ നേതാവ് രമേശ് ചെന്നിത്തല.
ഓർഡിനൻസിന്റെ ഫയൽ ഇപ്പോൾ ഒപ്പിടാനായി ലോ സെക്രട്ടറിയുടെ മുന്നിലെത്തിയിരിക്കുകയാണ്.
ഈ ഓർഡിനൻസുമായി മുന്നോട്ടു പോകാൻ ശ്രമിച്ചാൽ അതിൽ ഒപ്പിടരുതെന്ന് സംസ്ഥാന ഗവർണറോട് താൻ രേഖാമൂലം ആവശ്യപ്പെടും. അത് ഫലിച്ചില്ലെങ്കിൽ കോടതിയിൽ നിയമപരമായും പുറത്ത് രാഷ്ട്രീയമായും നേരിടുമെന്നും രമേശ് ചെന്നിത്തല പറഞ്ഞു.
സിബിഐയെ വിലക്കാനുള്ള ഓർഡിനൻസ് തയാറാക്കുന്നെന്നു ചെന്നിത്തല
01:04 AM Sep 30, 2020 | Deepika.com