കൊച്ചി: ദേശീയ ഓപ്പണ്‍ സ്‌കൂള്‍ സംവിധാനത്തിലൂടെ ഹയര്‍ സെക്കന്‍ഡറി വിദ്യാഭ്യാസ യോഗ്യത നേടിയ വിദ്യാര്‍ഥികള്‍ക്ക് എല്‍എല്‍ബി പഠനത്തിനുള്ള അവസരം നിഷേധിക്കരുതെന്ന് ഹൈക്കോടതി ഉത്തരവിട്ടു.
കോളജിലെ അഞ്ചു വര്‍ഷത്തെ ഇന്‍റഗ്രേറ്റഡ് കോഴ്‌സിന് അടിസ്ഥാന യോഗ്യത ഹയര്‍ സെക്കന്‍ഡറി സ്‌കൂള്‍ സര്‍ട്ടിഫിക്കറ്റായതിനാല്‍ ഹര്‍ജിക്കാര്‍ക്ക് പ്രവേശനം നിഷേധിക്കാനാവില്ലെന്ന് ഹൈക്കോടതി വ്യക്തമാക്കി. വിദൂര വിദ്യാഭ്യാസമായിരുന്നെന്നത് അയോഗ്യതയായി കാണേണ്ടെന്നും ഇവര്‍ക്ക് പ്രവേശനത്തിന് അര്‍ഹതയുണ്ടെന്നും ഹൈക്കോടതി ഉത്തരവില്‍ പറയുന്നു.
ഓപ്പണ്‍ സ്‌കൂളില്‍നിന്ന് യോഗ്യത നേടിയവര്‍ക്ക് പൂത്തോട്ടയിലെ ശ്രീനാരായണ ലോ കോളജിലെ ഇന്‍റഗ്രേറ്റഡ് കോഴ്‌സുകളായ ബിഎ എല്‍എല്‍ബി, ബിബിഎ എല്‍എല്‍ബി എന്നീ കോഴ്‌സുകളില്‍ പ്രവേശനം നിഷേധിച്ചതിനെതിരേ വിദ്യാര്‍ഥികള്‍ നല്‍കിയ ഹര്‍ജിയിലാണ് സിംഗിള്‍ ബെഞ്ചിന്‍റെ ഉത്തരവ്.
ദേശീയ ഓപ്പണ്‍ സ്‌കൂള്‍ യോഗ്യത നേടിയവര്‍ക്ക് പ്രവേശനം നിഷേധിക്കരുത്: ഹൈക്കോടതി
12:17 AM Sep 27, 2020 | Deepika.com