തിരുവനന്തപുരം: കടുത്ത പ്രതിപക്ഷ പ്രതിഷേധത്തെ അവഗണിച്ച് രാജ്യസഭയില് കേന്ദ്ര സര്ക്കാര് പാസാക്കിയ കാര്ഷിക ബിൽ ഇന്ത്യന് കര്ഷകന് മരണക്കുരുക്കായിരിക്കുമെന്ന് പ്രതിപക്ഷ നേതാവ് രമേശ് ചെന്നിത്തല.
കഴിഞ്ഞ വര്ഷങ്ങളില് നടന്ന കര്ഷക പ്രക്ഷോഭങ്ങളെ അവഗണിച്ച് അവര് ഉന്നയിച്ച ആവശ്യങ്ങള്ക്ക് ചെവികൊടുക്കക പോലും ചെയ്യാതെ അവതരിപ്പിക്കുന്ന ബില്ല് കോര്പറേറ്റുകള്ക്ക് വന് തോതില് ഭൂമി ലഭിക്കുന്നതിനും പാവപെട്ട കര്ഷകരെ ഭൂമിയുടെ ഉടമസ്ഥാവകാശത്തില് നിന്ന് പുറത്താക്കുകയുമാണ് ചെയ്യുന്നത്.
കര്ഷകര്ക്ക് സൗജന്യമായി ലഭിച്ചു വരുന്ന സേവനങ്ങളും സാങ്കേതികസഹായങ്ങളും വിലകൊടുത്തു വാങ്ങേണ്ട സ്ഥിതിവരും. ഭൂമാഫിയയ്ക്കും വന് ഭക്ഷ്യ വ്യവസായികള്ക്കും മാത്രമാണ് ഈ ബില്ലുകൊണ്ട് നേട്ടങ്ങളുണ്ടാവുക.ശക്തമായ പ്രക്ഷോഭത്തിന് രാജ്യം സാക്ഷ്യം വഹിക്കുമെന്നും ചെന്നിത്തല വ്യക്തമാക്കി.
കര്ഷകനു മരണക്കുരുക്ക്: ചെന്നിത്തല
01:15 AM Sep 21, 2020 | Deepika.com