തിരുവനന്തപുരം : കോവിഡ്-19 ചികിത്സയുമായി ബന്ധപ്പെട്ട സര്ക്കാര് ആശുപത്രികളില് ഓക്സിജന് ലഭ്യത ഉറപ്പ് വരുത്തുമെന്ന് ആരോഗ്യ മന്ത്രി കെ.കെ.ശൈലജ അറിയിച്ചു.
കേരള മെഡിക്കല് സര്വീസസ് കോര്പ്പറേഷന് ലിമിറ്റഡിന്റെ നേതൃത്വത്തില് ആരോഗ്യ വകുപ്പിന്റെ കണ്ട്രോള് റൂമുമായി ബന്ധിപ്പിച്ച് പ്രതിദിന ഓക്സിജന് ഓഡിറ്റ് നടത്തിയാണ് തുടര്ച്ചയായുള്ള ഓക്സിജന് ലഭ്യത ഉറപ്പാക്കുന്നത്.
ആഗോള തലത്തിലുള്ള സ്ഥിതിവിവരക്കണക്കുകള് പരിശോധിക്കുമ്പോള് കോവിഡ് രോഗത്തോടനുബന്ധിച്ചുണ്ടാകുന്ന ശ്വാസകോശ സംബന്ധമായ രോഗങ്ങളെത്തുടര്ന്ന് രോഗിയുടെ രക്തത്തിലെ ഓക്സിജന് അളവ് കുറയുന്നതായാണ് റിപ്പോര്ട്ട്.
ഇതു രോഗിയെ അപകടാവസ്ഥയിലേക്ക് കൊണ്ടുപോകും. ഇതിന്റെ അടിസ്ഥാനത്തിലാണ് സര്ക്കാര് ആശുപത്രികളില് ആവശ്യാനുസരണം ഓക്സിജന് ലഭ്യത ഉറപ്പുവരുത്താനുള്ള നടപടികള് സ്വികരിച്ചത്.
സംസ്ഥാനത്ത് കോവിഡ് ചികിത്സക്കായി 7.63 ടണ് ഓക്സിജന് ആവശ്യമെന്നിരിക്കെ 177 ടണ് ഓക്സിജന് വിവിധ സംവിധാനങ്ങള് വഴി ലഭ്യമാക്കിയിട്ടുണ്ടെന്നും മന്ത്രി വ്യക്തമാക്കി.
ഓക്സിജന് ലഭ്യത ഉറപ്പുവരുത്തും:ആരോഗ്യമന്ത്രി കെ.കെ. ശൈലജ
12:38 AM Sep 21, 2020 | Deepika.com