തിരുവനന്തപുരം: ലൈഫ് മിഷൻ ഭവനനിർമാണ പദ്ധതിയിൽ മാനദണ്ഡങ്ങൾ പാലിച്ചില്ലെന്ന് ആക്ഷേപം. ഭവനനിർമാണത്തിനുള്ള കരാർ സർക്കാർ അംഗീകൃത ഏജൻസിക്കു നല്കണമെന്ന ചീഫ് സെക്രട്ടറി അധ്യക്ഷനായ സമിതിയുടെ നിർദേശം നടപ്പായിട്ടില്ലെന്ന ആക്ഷേപമാണ് ശക്തമായത് .
എം പാനൽ ചെയ്തിട്ടുള്ള സർക്കാർ അംഗീകൃത ഏജൻസികളിൽ നിന്നു ടെൻഡർ വിളിച്ചായി രിക്കണം പദ്ധതി നടപ്പാക്കേണ്ടതെന്ന വ്യവസ്ഥയും പാലിക്കപ്പെട്ടില്ല.
എന്നാൽ സർക്കാർ നേരിട്ടു നടപ്പാക്കുന്ന പദ്ധതികൾക്ക് മാത്രമാണ് സർക്കാർ അംഗീകൃത ഏജൻസികൾ വേണമെന്ന നിർദേശം ബാധകമാക്കാൻ കഴിയൂ എന്ന നിലപാടാണ് അധികൃതർക്ക്. എന്നാൽ ഇത് സംബന്ധിച്ച് സർക്കാർ വ്യക്തമായ ഉത്തരവുകൾ ഒന്നുമിറക്കിയിട്ടില്ലെന്നാണ് പ്രതിപക്ഷ ആരോപണം. ഒരു സ്ഥാപനമോ കമ്പനിയോ അവരുടെ സി എസ് ആർ പദ്ധതിയുടെ ഭാഗമായി നടപ്പാക്കുന്ന പദ്ധതിക്ക് സർക്കാർ അംഗീകൃത ഏജൻസികൾ മാത്രമേ നല്കാവൂ എന്നത് പ്രായോഗികമല്ലെന്നാണ് അധികൃതരുടെ വിശദീകരണം. വടക്കാഞ്ചേരിയിലാണ് പദ്ധതി നടപ്പാക്കുന്നത്.
ലൈഫ് മിഷൻ ഭവനനിർമാണം: മാർഗരേഖ പാലിച്ചില്ലെന്ന് ആരോപണം
12:35 AM Aug 15, 2020 | Deepika.com