തിരുവനന്തപുരം: ശബരിമല തീര്ഥാടനം കര്ശനമായ കോവിഡ് പ്രോട്ടോക്കോള് പാലിച്ച് നടത്തുന്നതിനു തീരുമാനിച്ചതായി മന്ത്രി കടകംപള്ളി സുരേന്ദ്രന്. തീര്ഥാടകര്ക്ക് കോവിഡ് നെഗറ്റീവ് സര്ട്ടിഫിക്കറ്റ് നിര്ബന്ധമാക്കുമെന്നും, ശബരിമല ദര്ശനം വര്ച്വല് ക്യൂ സംവിധാനത്തിലൂടെ നിയന്ത്രിക്കുമെന്നും ദേവസ്വം മന്ത്രി വ്യക്തമാക്കി.
നവംബര് 16ന് ആരംഭിക്കുന്ന ശബരിമല തീര്ഥാടനത്തിന്റെ മുന്നൊരുക്കങ്ങള്ക്കായി മന്ത്രി കടകംപള്ളി സുരേന്ദ്രന്റെ അധ്യക്ഷതയില് ഓണ്ലൈന് വഴി ചേര്ന്ന ഉന്നതതല യോഗത്തിലാണ് ഈ തീരുമാനം. വകുപ്പിന്റെ വര്ച്വല് ക്യൂ സംവിധാനത്തിലൂടെ തീര്ഥാടകരുടെ പ്രവേശനം നിയന്ത്രിക്കും. കോവിഡ്19 രോഗമില്ലെന്ന സര്ട്ടിഫിക്കറ്റുമായി വരുന്ന തീര്ഥാടകരെ ഓണ്ലൈന് രജിസ്ട്രേഷനിലൂടെ വര്ച്വല് ക്യൂ സംവിധാനത്തില് ഉള്പ്പെടുത്തി തിരക്കില്ലാതെ ദര്ശനത്തിന് എത്തിക്കുന്ന തരത്തില് ക്രമീകരണം ഒരുക്കുന്നതിനാണ് യോഗം തീരുമാനിച്ചത്.
തീര്ഥാടകര്ക്കു സൗകര്യങ്ങളൊരുക്കുന്ന നടപടികള് ശബരിമലയില് പൂര്ത്തിയാക്കിവരുന്നുണ്ടെന്ന് ദേവസ്വം ബോര്ഡ് പ്രസിഡന്റ് അറിയിച്ചു.
ശബരിമല തീര്ഥാടനത്തിന് കോവിഡ് സര്ട്ടിഫിക്കറ്റ് നിര്ബന്ധം
03:10 AM Aug 11, 2020 | Deepika.com