കുറ്റ്യാടി: കരിപ്പൂര്‍ വിമാന അപകടത്തില്‍ മരിച്ച മനാല്‍ അഹമ്മദിന്‍റെ ഓര്‍മകളില്‍ കണ്ണീരുമായി ഗ്രാമം. കുന്നുമ്മല്‍ പഞ്ചായത്ത് മൊകേരി ഷെര്‍ഷാദിലെ പരേതനായ അഹമ്മദ് ഹാജിയുടെ നാലുമക്കളില്‍ മൂന്നാമത്തെ മകളാണ് മനാല്‍ അഹമ്മദ്. ഒന്നര വര്‍ഷം മുമ്പാണ് പള്ളിയില്‍നിന്നും മടങ്ങവേ വിടിന് മുന്‍വശത്തെ റോഡില്‍ വച്ച് ബൈക്കുകള്‍ കൂട്ടിയിടിച്ച് അഹമ്മദ് ഹാജി മരിച്ചത്.
കഴിഞ്ഞ മേയ് മാസത്തിലായിരുന്നു അബുദാബിയിലെ ബിസിനസുകാരനായ നാദാപുരത്തെ മുഹമ്മദ് ഹാത്തീഫുമായി മനാലിന്‍റെ കല്യാണം കഴിഞ്ഞത്. ഏഴു മാസം മുമ്പാണ് ഭര്‍ത്താവിന്‍റെ കൂടെ അബുദാബിയിലേക്ക് പോയത്. അവിടെ ഭര്‍ത്താവിന്‍റെ കുടുംബത്തിനൊപ്പം താമസിച്ചു വരികയായിരുന്നു. ഗര്‍ഭിണിയായതിനെത്തുടര്‍ന്ന് നാട്ടിലേക്ക് തിരിച്ചുവരുന്നതിനിടെയാണ് മനാലിനെ മരണം കവര്‍ന്നത്.
മനാലിന്‍റെ ഓര്‍മകളില്‍ മൊകേരി ഗ്രാമം
01:05 AM Aug 09, 2020 | Deepika.com