കൊച്ചി: ശക്തമായ മഴയില്‍ കൊങ്കണ്‍ പാതയില്‍ കൂടുതല്‍ സ്ഥലങ്ങളില്‍ മണ്ണിടിഞ്ഞു ഗതാഗതം തടസപ്പെട്ട സാഹചര്യത്തിൽ നാലു സ്പെഷല്‍ ട്രെയിനുകള്‍ റദ്ദാക്കി. തിരുവനന്തപുരം-ലോക്മാന്യതിലക് പ്രതിദിന ട്രെയിന്‍ (06346), ലോക്മാന്യതിലക്-തിരുവനന്തപുരം സ്പെഷല്‍ (06345) എന്നീ സര്‍വീസുകളാണ് ഇന്നു മുതല്‍ 20 വരെ റദ്ദാക്കിയത്. ന്യൂഡല്‍ഹി-തിരുവനന്തപുരം രാജധാനി ട്രൈവീക്ക് ലി സൂപ്പര്‍ഫാസ്റ്റ് (02432) ഇന്നു മുതല്‍ 18 വരെയും തിരുവനന്തപുരം-ന്യൂഡല്‍ഹി രാജധാനി (02341) സ്പെഷല്‍ 11 മുതല്‍ 20 വരെയും സര്‍വീസ് നടത്തില്ല.
കൊങ്കണ്‍ വഴിയുള്ള നാലു സ്പെഷല്‍ ട്രെയിനുകള്‍ ഈ മാസം 20 വരെ വഴിതിരിച്ചുവിടും. എറണാകുളം-ഹസ്രത്ത് നിസാമുദ്ദീന്‍ സൂപ്പര്‍ഫാസ്റ്റ് പ്രതിദിന സ്പെഷല്‍ ട്രെയിന്‍ (02617), ഈ ട്രെയിനിന്‍റെ മടക്കസര്‍വീസ് (02618) എന്നിവ മഡ്ഗാവ്-പന്‍വേല്‍-കല്യാണ്‍ ജംഗ്ഷന്‍ വഴിയും നിസാമുദ്ദീന്‍-എറണാകുളം തുരന്തോ പ്രതിവാര ട്രെയിന്‍ (02284) 15നും എറണാകുളം-നിസാമുദ്ദീന്‍ തുരന്തോ സ്പെഷല്‍ (02283) 11, 18 തീയതികളിലും ജോലര്‍പേട്ടെ ജംഗ്ഷന്‍-പൂനെ വഴിയും സര്‍വീസ് നടത്തും.
ട്രെയിനുകള്‍ റദ്ദാക്കി
12:17 AM Aug 09, 2020 | Deepika.com