തിരുവനന്തപുരം: ഹയർസെക്കൻഡറി പരീക്ഷയിൽ 85.13 ശതമാനം വിദ്യാർഥികൾ ഉപരിപഠന യോഗ്യത നേടി. പരീക്ഷ എഴുതിയ 375655 വിദ്യാർഥികളിൽ 319782 പേരാണ് ഉപരിപഠനയോഗ്യരായത്. കഴിഞ്ഞ വർഷത്തെ വിജയശതമാനം 84.33 ആയിരുന്നു.234 വിദ്യാർഥികൾ 1200 ൽ 1200 സ്കോറും നേടി. ഏറ്റവും കൂടിയ വിജയശതമാനം സ്വന്തമാക്കിയ ജില്ല എറണാകുളം- 89.02 ശതമാനം. കുറവ് കാസർഗോഡ് 78.68 ശതമാനം .
18510 വിദ്യാർഥികൾ എല്ലാ വിഷയങ്ങൾക്കും എ പ്ലസ് നേടി. 14195 പെണ്കുട്ടികളും 4315 ആണ്കുട്ടികളും. 31605 പേർ എല്ലാ വിഷയങ്ങൾക്കും എ ഗ്രേഡോ അതിനു മുകളിലോ നേടിയപ്പോൾ 41904 വിദ്യാർഥികൾ എല്ലാ വിഷയങ്ങൾക്കും ബി പ്ലസ് ഗ്രേഡോ അതിനു മുകളിലോ കരസ്ഥമാക്കി. 57508 പേർക്ക് എല്ലാ വിഷയങ്ങൾക്കും ബി ഗ്രേഡോ അതിനു മുകളിലോ ലഭിച്ചപ്പോൾ77034 പേർക്കാണ് സി പ്ലസ് ഗ്രേഡോ അതിനു മുകളിലോ ലഭിച്ചത്.
ഹയർസെക്കൻഡറി പരീക്ഷാ ഫലം 85.13% വിജയം
01:23 AM Jul 16, 2020 | Deepika.com