കൊച്ചി: ഏഴാം ശമ്പള പരിഷ്‌കരണത്തില്‍ കോളജ് അധ്യാപകരുടെ പിഎച്ച്ഡി ഇന്‍ക്രിമെന്‍റ് തടഞ്ഞുവച്ചതിനെതിരേ കേരള പ്രൈവറ്റ് കോളജ് ടീച്ചേഴ്‌സ് അസോസിയേഷന്‍ നല്‍കിയ ഹര്‍ജിയില്‍ സര്‍ക്കാരും യുജിസിയും നിലപാടു വ്യക്തമാക്കി സത്യവാങ്മൂലം നല്‍കാന്‍ ഹൈക്കോടതി നിര്‍ദേശം നല്‍കി.
യുജിസി നിബന്ധനകള്‍ക്കു വിരുദ്ധമായാണു ശമ്പളപരിഷ്‌കരണത്തില്‍ മാറ്റംവരുത്തിയതെന്നു ഹര്‍ജിക്കാര്‍ ആരോപിക്കുന്നു.
ഏഴാം ശമ്പള പരിഷ്‌കരണം സംബന്ധിച്ച് 2018 ജൂലൈ 18ലെ യുജിസി നിബന്ധനകള്‍ പ്രാബല്യത്തിലാക്കി 2019 ജൂണ്‍ ആറിന് ഉത്തരവിറക്കിയെങ്കിലും പിഎച്ച്ഡി ഇന്‍ക്രിമെന്‍റ് സംബന്ധിച്ച വ്യവസ്ഥകള്‍ ഒഴിവാക്കിയിരുന്നു.
ഇതിനെ ചോദ്യം ചെയ്താണ് ഹര്‍ജിക്കാര്‍ ഹൈക്കോടതിയെ സമീപിച്ചത്. അസോസിയേഷന്‍ പ്രസിഡന്‍റ് കെ. ജോബി തോമസ് ഉള്‍പ്പെടെ 20 കോളജ് അധ്യാപകരാണ് ഹര്‍ജി നല്‍കിയിരിക്കുന്നത്.
കോളജ് അധ്യാപകരുടെ പിഎച്ച്ഡി ഇന്‍ക്രിമെന്‍റ്: സര്‍ക്കാരും യുജിസിയും സത്യവാങ്മൂലം നല്‍കണം
12:11 AM Jul 15, 2020 | Deepika.com