തിരുവനന്തപുരം: സംസ്ഥാനത്ത് ഒറ്റദിവസം കോവിഡ് സ്ഥിരീകരിക്കപ്പെട്ടവരുടെ എണ്ണം ആദ്യമായി ഇരുന്നൂറു കടന്നു. ഇന്നലെ 211 പേർക്കു രോഗം സ്ഥിരീകരിച്ചു. സെക്രട്ടേറിയറ്റ് ഗേറ്റിനു പുറത്ത് സുരക്ഷാജോലി ചെയ്തിരുന്ന പോലീസ് ഉദ്യോഗസ്ഥൻ ഉൾപ്പെടെ 27 പേർക്കു സന്പർക്കത്തിലൂടെ രോഗം പിടിപെട്ടതും ആശങ്ക ഉയർത്തുന്നു.
ഇന്നലെ രോഗം സ്ഥിരീകരിക്കപ്പെട്ടവരിൽ 138 പേർ വിദേശത്തുനിന്നും 39 പേർ മറ്റു സംസ്ഥാനങ്ങളിൽനിന്നും വന്നവരാണ്. ആറു സിഐഎസ്എഫ് ജവാന്മാർക്കും ഒരു വിമാനജീവനക്കാരനും രോഗം സ്ഥിരീകരിച്ചു.
ഇന്നലെ 201 പേർക്കു രോഗം ഭേദമായി. ഇതുവരെ രോഗം ബാധിച്ചവരുടെ എണ്ണം 4964 ആയി. 2098 പേരാണ് ഇപ്പോൾ ചികിത്സയിൽ കഴിയുന്നത്. സംസ്ഥാനത്ത് ഇതുവരെ 2,53,011 പേർക്കു പരിശോധന നടത്തി. നിലവിൽ 1,77,011 പേർ നിരീക്ഷണത്തിലുണ്ട്. ഇന്നലെ രോഗമുക്തരായ 201 പേരിൽ 68 പേരും പാലക്കാട് ജില്ലയിലാണ്. ഹോട്ട്സ്പോട്ടുകളുടെ എണ്ണം 130.
സംസ്ഥാനത്ത് ഇന്നലെ കോവിഡ് സ്ഥിരീകരിച്ചത് 211 പേർക്ക്
02:24 AM Jul 04, 2020 | Deepika.com