തിരുവനന്തപുരം: ആന കൊല്ലപ്പെട്ട അതീവ ദുഃഖകരമായ സംഭവത്തിന്റെ മറവില് കേരളത്തിനും മലപ്പുറം ജില്ലയ്ക്കുമെതിരെ ബിജെപി എം പിയും മുന് കേന്ദ്ര മന്ത്രിയുമായ മേനക ഗാന്ധി നടത്തിയ വിദ്വേഷ പ്രസ്താവന പിന്വലിച്ച് മാപ്പ് പറയണമെന്ന് ആവശ്യപ്പെട്ട് പ്രതിപക്ഷ നേതാവ് രമേശ് ചെന്നിത്തല മേനക ഗാന്ധിക്കു കത്ത് നല്കി.
പാലക്കാട് ജില്ലയിലാണ് ആന കൊല്ലപ്പെട്ടത്. എന്നാല്, മലപ്പുറം ജില്ലയിലാണ് ഈ സംഭവം നടന്നതെന്നും ഇന്ത്യയില് ഏറ്റവും കൂടുതല് കുറ്റകൃത്യങ്ങള് നടക്കുന്ന ജില്ലയാണ് മലപ്പുറമെന്നും അവിടെ ഇത്തരത്തില് മൃഗങ്ങള്ക്കും മറ്റുമെതിരെ നിരന്തരമായി ക്രൂരതകള് അരങ്ങേറുന്നുണ്ടെന്നും മനേക ഗാന്ധി പറഞ്ഞിരുന്നു. ബി ജെപിയുടെ വിദ്വേഷ പ്രചാരണത്തിന്റെ ഭാഗമായാണ് മേനകാ ഗാന്ധി ഇങ്ങനെ പറഞ്ഞതെന്നു ചെന്നിത്തല കുറ്റപ്പെടുത്തി.
മലപ്പുറം ജില്ലയ്ക്കെതിരെ വിദ്വേഷ പ്രചാരണം അരുത്: ചെന്നിത്തല മേനക ഗാന്ധിക്ക് കത്തയച്ചു
12:47 AM Jun 05, 2020 | Deepika.com