തിരുവനന്തപുരം: അഞ്ച് ആരോഗ്യപ്രവർത്തകരുൾപ്പെടെ 82 പേർക്ക് ഇന്നലെ സംസ്ഥാനത്തു കോവിഡ് സ്ഥിരീകരിച്ചു. 53 പേർ വിദേശത്തുനിന്നും 19 പേർ മറ്റു സംസ്ഥാനങ്ങളിൽനിന്നും വന്നവരാണ്. അഞ്ച് പേർക്കു സന്പർക്കത്തിലൂടെയാണു രോഗം. 24 പേർ രോഗമുക്തി നേടി.
സംസ്ഥാനത്ത് ഇതുവരെ 1494 പേർക്കു കോവിഡ് പിടിപെട്ടു. 832 പേർ ചികിത്സയിൽ കഴിയുന്നു.
ഇന്നലെ കോവിഡ് സ്ഥിരീകരിക്കപ്പെട്ടവരുടെ ജില്ല തിരിച്ചുള്ള കണക്ക്: തിരുവനന്തപുരം- 14, മലപ്പുറം - 11, ഇടുക്കി -9, കോട്ടയം- 8, ആലപ്പുഴ, കോഴിക്കോട്- 7 വീതം, പാലക്കാട്, കൊല്ലം, എറണാകുളം - 5 വീതം, തൃശൂർ-4, കാസർഗോഡ്- 3, കണ്ണൂർ, പത്തനംതിട്ട -2 വീതം.
ഇന്നലെ 4004 പേരുടെ സാന്പിളുകൾ പരിശോധനയ്ക്കു ശേഖരിച്ചു. സംസ്ഥാനത്ത് 1,60,304 പേർ നിരീക്ഷണത്തിൽ കഴിയുന്നു. ഹോട്ട്സ്പോട്ടുകൾ 128.
സംസ്ഥാനത്ത് 82 പേർക്കു കോവിഡ്
01:02 AM Jun 04, 2020 | Deepika.com