കൊച്ചി: പൃഥ്വിരാജിനൊപ്പം സിനിമാ ഷൂട്ടിംഗ് കഴിഞ്ഞു ജോര്ദാനില്നിന്ന് എത്തിയ ആള്ക്കു കോവിഡ് സ്ഥിരീകരിച്ചു. സിനിമാ സംഘത്തോടൊപ്പമെത്തിയ മലപ്പുറം വള്ളുവങ്ങാട് സ്വദേശിയായ 58കാരനാണ് കോവിഡ്. ഇയാളെ മഞ്ചേരി മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.
കഴിഞ്ഞ മാര്ച്ചിലാണ് പൃഥ്വിരാജും സംഘവും ആടുജീവിതത്തിന്റെ ചിത്രീകരണത്തിന് ജോര്ദാനിലെത്തിയത്. കോവിഡ് വ്യാപനം രൂക്ഷമായതോടെ ഷൂട്ടിംഗ് നിർത്തിവയ്ക്കേണ്ടി വന്നു. പിന്നീടു ചിത്രീകരണം പൂര്ത്തിയാക്കിയെങ്കിലും ലോക്ക് ഡൗണിൽ ജോർദാനിൽ കുടുങ്ങി. കഴിഞ്ഞ മാസം 22നാണ് പൃഥ്വിരാജും സംഘവും കൊച്ചിയിൽ മടങ്ങിയെത്തിയത്.
പൃഥ്വിരാജിനൊപ്പം എത്തിയ ആള്ക്കു കോവിഡ്
12:37 AM Jun 04, 2020 | Deepika.com