പ്രളയഫണ്ട് തട്ടിപ്പ്: കുറ്റപത്രം വൈകി, പ്രതികള്ക്കു ജാമ്യം
12:37 AM Jun 04, 2020 | Deepika.com
മൂവാറ്റുപുഴ: പ്രളയ ദുരിതാശ്വാസനിധിയില്നിന്നു പ്രളയ ബാധിതര്ക്കു നല്കേണ്ട ലക്ഷങ്ങള് തട്ടിയെടുത്ത കേസില് റിമാന്ഡില് കഴിഞ്ഞിരുന്ന സിപിഎം പ്രവർത്തകർ ഉൾപ്പെടെയുള്ള പ്രതികള്ക്കു മൂവാറ്റുപുഴ വിജിലന്സ് കോടതി ഉപാധികളോടെ ജാമ്യം അനുവദിച്ചു. ഒന്നും രണ്ടും ആറും പ്രതികളായ വിഷ്ണുപ്രസാദ്, ബി. മഹേഷ്, എന്.എന്. നിതിന് എന്നിവര്ക്കാണു ജാമ്യം. കേസ് രജിസ്റ്റര് ചെയ്തു മൂന്നു മാസം പിന്നിട്ടിട്ടും കുറ്റപത്രം സമര്പ്പിക്കാത്തതിനെത്തുടര്ന്നു സ്വാഭാവിക ജാമ്യം അനുവദിക്കുകയായിരുന്നു.