ഡിസിഎൽ ബാലരംഗം

ഒ​രുവ​ട്ടം കൂ​ടി, ഒ​രു വ​ട്ടം കൂ​ടു​മോ?

കൊച്ചേട്ടന്‍റെ കത്ത്

സ്നേ​ഹ​മു​ള്ള ഡി​സി​എ​ൽ കൂ​ട്ടു​കാ​രേ,
മ​ധു​രോ​ർ​മ്മ​ക​ൾ മേ​യു​ന്ന വി​ദ്യാ​ല​യം പ്രി​യ നൊ​ന്പ​ര​മാ​യി മ​ന​സി​ൽ താ​ലോ​ലി​ച്ച്, കൂ​ട്ടു​കാ​ർ ഓ​ൺ​ലൈ​ൻ വി​ദ്യാ​ഭ്യാ​സം എ​ന്ന കോ​വി​ഡ് കാ​ല പ​ഠ​ന​രീ​തി പ​രി​ശീ​ലി​ച്ചു​തു​ട​ങ്ങി. പ​തി​വു​പോ​ലെ, ജൂ​ൺ ഒ​ന്നി​ന് അ​ധ്യ​യ​ന​വ​ർ​ഷം ആ​രം​ഭി​ച്ച​പ്പോ​ൾ പ്ര​വേ​ശ​നോ​ത്സ​വം ഇ​ല്ലാ​യി​രു​ന്നു. ന​ഴ്സ​റി ക്ലാ​സു​ക​ളി​ൽ​നി​ന്ന് കൂ​ട്ട​നി​ല​വി​ളി​ക​ൾ ഉ​യ​ർ​ന്നി​ല്ല. പ​ള്ളി​ക്കൂ​ട​ത്തി​ന്‍റെ മ​ണി​മു​റ്റ​ങ്ങ​ളി​ൽ കു​ഞ്ഞു​പാ​ദ​ങ്ങ​ൾ പ​തി​ഞ്ഞി​ല്ല. പു​ത്ത​നു​ടു​പ്പു​ക​ൾ ന​ന​ഞ്ഞി​ല്ല. വ​ർ​ണ​ക്കു​ട​ക​ൾ വി​ട​ർ​ന്നി​ല്ല. ജൂ​ൺ മ​ഴ​ത്തു​ള്ളി​ക​ൾ മാ​ത്രം എ​ല്ലാ വി​ദ്യാ​ല​യ​ത്തി​ന്‍റെ​യും മു​റ്റ​ത്ത് ഏ​റെ​നേ​രം തു​ള്ളി​ക്ക​ളി​ച്ചു​നി​ന്നു; കു​ഞ്ഞു കൂ​ട്ടു​കാ​രെ​ത്തേ​ടി... ആ​രെ​യും കാ​ണാ​തെ മ​ഴ​ത്തു​ള്ളി​ക​ൾ മ​ട​ങ്ങി.

സാ​ക്ഷ​ര​കേ​ര​ള​ത്തി​ന്‍റെ പ്രൗ​ഢ​സം​സ്കാ​രം തു​ട​രാ​ൻ അ​റു​പ​തു​ല​ക്ഷ​ത്തോ​ളം വി​ദ്യാ​ർ​ഥി​ക​ൾ എല്ലാ ജൂൺമാസത്തിലും ആ​യി​ര​ക്ക​ണ​ക്കി​നു വി​ദ്യാ​ല​യ​ങ്ങ​ളു​ടെ മു​റ്റ​ത്ത് അ​ണി​നി​ര​ക്കു​ന്ന അ​ധ്യ​യ​നാ​ത്ഭു​തം ലോ​ക​ത്തി​നു​ത​ന്നെ വി​സ്മ​യ​മാ​ണ്. കേ​ര​ളം പോ​ലു​ള്ള ഒ​രു കൊ​ച്ചു സം​സ്ഥാ​ന​ത്തി​ന്‍റെ വി​ദ്യാ​ധ​ന വി​സ്മ​യം മ​ല​യാ​ളി​യു​ടെ ത​റ​വാ​ട്ടു​മ​ഹി​യു​ടെ മ​ണി​മു​ദ്ര​യാ​ണ്. കോ​വി​ഡ് എ​ല്ലാം മാ​റ്റി​യെ​ഴു​തു​ക​യാ​ണ്. മ​നു​ഷ്യ​ന്‍റെ ജീ​വി​ത​ക്ര​മം മാ​ത്ര​മ​ല്ല, മ​നു​ഷ്യ​ച​രി​ത്രം​ത​ന്നെ, ലോ​ക​ച​രി​ത്രം​ത​ന്നെ കോ​വി​ഡ് തി​രു​ത്തി​യെ​ഴു​തു​ക​യാ​ണ്.

ഇ​പ്പോ​ൾ ഓ​ൺ​ലൈ​ൻ ക്ലാ​സു​ക​ളു​ടെ കാ​ല​മാ​യി. ത​ങ്കു​പൂ​ച്ച​യും മി​ട്ടു​പൂ​ച്ച​യും കു​ട്ടി​ക്കു​ര​ങ്ങ​ന്മാ​രു​മൊ​ക്കെ​യാ​യി സാ​യി ടീ​ച്ച​റും സ​ഹഅ​ധ്യാ​പ​ക​രും ഓ​ൺ​ലൈ​ൻ പ്ര​വേ​ശ​നോ​ത്സ​വം ഉ​ജ്വ​ല​മാ​ക്കി.

വീ​ടു​ക​ളി​ൽ ഒ​റ്റ​ക്കി​രി​ക്കു​ന്പോ​ഴും അ​രി​കി​ൽ സ​ഹ​പാ​ഠി​ക​ളു​ടെ സൗ​ഹൃ​ദ​സാ​ന്നി​ധ്യം കൂ​ട്ടു​കാ​ർ അ​നു​ഭ​വി​ക്ക​ണം. ഒ​ന്നി​ച്ചു ക​ളി​ക്കാ​നും ഒ​ത്തി​രി വ​ർ​ത്ത​മാ​നം പ​റ​യാ​നും കൊ​തി​ക്കു​ന്ന മ​ന​സു സൂ​ക്ഷി​ക്ക​ണം. എ​ല്ലാ​വ​രു​ടെ​യും അ​വ​ധി​ക്കാ​ല വി​ശേ​ഷ​ങ്ങ​ളി​ൽ കോ​വി​ഡും ലോ​ക്ഡൗ​ണും ക്വാ​റ​ന്‍റൈ​നും പോ​ലു​ള്ള പു​തി​യ വാ​ക്കു​ക​ളും ക​ട​ന്നു​വ​ന്നി​ട്ടു​ണ്ടാ​കും. സാ​നി​റ്റൈ​സ​ർ, മാ​സ്ക് തു​ട​ങ്ങി​യ ഉ​പ​യോ​ഗ​വ​സ്തു​ക്ക​ൾ ഏ​വ​ർ​ക്കും ചി​ര​പ​രി​ചി​ത​മാ​യി​ക്ക​ഴി​ഞ്ഞു.

കൂ​ട്ടു​കാ​രേ, കോ​വി​ഡ് -19, ലോ​ക ജീ​വി​ത​ക്ര​മം മാ​റ്റി​യെ​ഴു​തു​ക​യാ​ണ്. 1920-21ലെ ​ഭീ​ക​ര​വ്യാ​ധി​യാ​യി​രു​ന്ന സ്പാ​നി​ഷ് ഫ്ളൂ ​പോ​ലെ ലോ​കം മു​ഴു​വ​നേ​യും കോ​വി​ഡ് മ​ഹാ​മാ​രി ഭീ​തി​യി​ലാ​ഴ്ത്തി​ക്ക​ഴി​ഞ്ഞു. പ​ര​സ്പ​ര​മു​ള്ള അ​ക​ല​വും വി​ര​ലു​ക​ളു​ടെ ശു​ചി​ത്വ​വും ആ​രോ​ഗ്യ​പ​രി​ച​ര​ണ​വും പു​തി​യ അ​ധ്യ​യ​ന​ത്തി​ന്‍റെ ഒ​ന്നാം പാ​ഠ​ങ്ങ​ളാ​ക്കി മാ​റ്റാം. വൃ​ത്തി​യു​ള്ള ന​ഖ​വും മു​ഖ​വും വ്യ​ക്തി​ത്വ​ത്തി​ന്‍റെ മാ​ത്ര​മ​ല്ല, ആ​രോ​ഗ്യ​ത്തി​ന്‍റെ​യും ചി​ഹ്ന​മാ​ക്കി മാ​റ്റാം. കു​ട്ടി​ക്ക​ല​പി​ല​ക​ളു​ടെ ക​ളി​യ​ര​ങ്ങാ​യ ആ ​വി​ദ്യാ​ല​യ​മു​റ്റ​ത്ത് ഒ​രു വ​ട്ടം​കൂ​ടി, ഒ​രു വ​ട്ടം​കൂ​ടാ​ൻ, കൂ​ട്ടു​കൂ​ടി പാ​ടാ​ൻ എ​ല്ലാ കൂ​ട്ടു​കാ​രേ​യും ദൈ​വം അ​നു​ഗ്ര​ഹി​ക്കും; തീ​ർ​ച്ച!

അ​തി​ജീ​വി​ക്കും ന​മ്മ​ൾ ഈ ​വി​പ​ത്തി​നെ. അ​തി​ജീ​വി​ക്ക​ണം ന​മ്മ​ൾ​ക്ക്. ഒ​റ്റ​യ്ക്ക​ല്ല, ഒ​രു​മി​ച്ച്, ഒ​രു മ​ന​സോ​ടെ.

ആ​ശം​സ​ക​ളോ​ടെ,­­­ സ്വന്തം കൊച്ചേട്ടൻ

ഡി​സി​എ​ൽ ഫാ. ആബേൽ സിഎംഐ ഓ​ൺ​ലൈ​ൻ ക​ലോ​ത്സ​വം: മികച്ച പ്രതികരണം

വാക്കുകളിൽ തീപ്പൊരി വിതറി പ്രസംഗപ്രതിഭകൾ

കോ​ട്ട​യം: ഒ​ന്നാം​ക്ലാ​സ് മു​ത​ൽ പ​ത്താം​ക്ലാ​സ് വ​രെ​യു​ള്ള സ​മ​ർ​ത്ഥ​രാ​യ വി​ദ്യാ​ർ​ഥി​ക​ളാ​ണ് അ​ർ​ത്ഥ​പൂ​ർ​ണ​മാ​യ പ്ര​സം​ഗ​ങ്ങ​ളി​ലൂ​ടെ ലോ​ക്ഡൗ​ൺ​കാ​ലം സ​ർ​ഗ​പ്ര​ക്രി​യ​യാ​ക്കി മാ​റ്റി​യ​ത്. പ്ര​സം​ഗ​ക​രെ​ത്തേ​ടി ആ​യി​ര​ക്ക​ണ​ക്കി​ന് കേ​ൾ​വി​ക്കാ​ർ​കൂ​ടി​യെ​ത്തി​യ​പ്പോ​ൾ ഡി​സി​എ​ൽ പ്ര​സം​ഗ​മ​ത്സ​രം ര​ണ്ട​ര​ല​ക്ഷ​ത്തി​ല​ധി​കം കു​ടും​ബ​ങ്ങ​ളി​ൽ സം​സാ​ര​വി​ഷ​യ​മാ​യി.

ഇ​നി കേ​ര​ള​ത്തി​ന്‍റെ ഭാ​വി പ്ര​സം​ഗ​ക​രെ കാ​ണ​ണ​മെ​ങ്കി​ൽ dcldeepika യു ​ട്യൂ​ബ് ചാ​ന​ൽ സ​ന്ദ​ർ​ശി​ച്ചാ​ൽ മ​തി. നാ​നൂ​റി​ലേ​റെ കു​ട്ടി​പ്ര​സം​ഗ​ക​രു​ടെ ഇ​ടി​വെ​ട്ട് പ്ര​സം​ഗ​ങ്ങ​ളാ​ണ് അ​വി​ടെ​യു​ള്ള​ത്.
ദീ​പി​ക ബാ​ല​സ​ഖ്യ​ത്തി​ന്‍റെ മുൻ കൊ​ച്ചേ​ട്ട​നാ​യി​രു​ന്ന ഫാ. ​ആ​ബേ​ൽ പെ​രി​യ​പ്പു​റം സി​എം​ഐ​യു​ടെ ജ​ന്മ​ശ​താ​ബ്ദി​യോ​ട​നു​ബ​ന്ധി​ച്ചാ​ണ് ഡി​സി​എ​ൽ ഓ​ൺ​ലൈ​ൻ ക​ലോ​ത്സ​വ​ത്തി​ന് തി​രി​കൊ​ളു​ത്തി​യ​ത്. മ​ത്സ​ര​ത്തി​ന് വി​ദ്യാ​ർ​ഥി​ക​ളി​ൽ​നി​ന്നു മി​ക​ച്ച പ്ര​തി​ക​ര​ണ​മാ​ണു ല​ഭി​ച്ച​ത്. പ്ര​സം​ഗ​മ​ത്സ​ര​ത്തി​ന് ല​ഭി​ച്ച നാ​നൂ​റി​ല​ധി​കം മ​ത്സ​രാ​ർ​ഥി​ക​ളി​ൽ​നി​ന്ന് വി​ജ​യി​ക​ളെ ജൂ​ൺ ര​ണ്ടാം​വാ​രം പ്ര​ഖ്യാ​പി​ക്കും.

ല​ളി​ത​ഗാ​ന​മ​ത്സ​രം - കുട്ടിപ്പാട്ടുകാർ ഉണരുകയായ്

ല​ളി​ത​ഗാ​ന മ​ത്സ​ര​ത്തി​നു​ള്ള എ​ൻ​ട്രി​ക​ൾ ജൂ​ൺ 20 വ​രെ അ​യ​യ്ക്കാ​വു​ന്ന​താ​ണ്. കു​ട്ടി​ക​ൾ പാ​ടു​ന്ന വീ​ഡി​യോ റെ​ക്കോ​ഡ് ചെ​യ്ത് dcl@deepika.com എ​ന്ന ഇ-​മെ​യി​ലി​ലേ​ക്കോ, 9387689410 എ​ന്ന വാ​ട്സ് ആ​പ് ന​ന്പ​രി​ലേ​ക്കോ അ​യ​യ്ക്കു​ക.

എ​ൽ.​പി., യു.​പി., ഹൈ​സ്കൂ​ൾ വി​ഭാ​ഗ​ങ്ങ​ൾ തി​രി​ച്ച് ആ​ൺ​കു​ട്ടി​ക​ൾ​ക്കും പെ​ൺ​കു​ട്ടി​ക​ൾ​ക്കും പ്ര​ത്യേ​ക​മാ​യി​രി​ക്കും മ​ത്സ​രം. ല​ളി​ത​ഗാ​ന മ​ത്സ​ര​ത്തി​ന് ഭ​ക്തി​ഗാ​ന​ങ്ങ​ളോ, സി​നി​മാ​ഗാ​ന​ങ്ങ​ളോ ആ​ല​പി​ക്കാ​ൻ പാ​ടി​ല്ല. പ​ശ്ചാ​ത്ത​ല സം​ഗീ​ത​വും അ​നു​വ​ദ​നീ​യ​മ​ല്ല.

എ​ൻ​ട്രി​ക​ൾ ജൂ​ൺ 10 മു​ത​ൽ dcldeepika എ​ന്ന യു ​ട്യൂ​ബ് ചാ​ന​ലി​ൽ അ​പ്‌ലോഡ് ചെ​യ്തു തു​ട​ങ്ങും. മ​ത്സ​രാ​ർ​ഥി​ക​ൾ​ക്ക് dcldeepika യു ​ട്യൂ​ബ് ചാ​ന​ലി​ൽ​ക​യ​റി സ​ബ്സ്ക്രൈ​ബ് ചെ​യ്ത്, സ്വ​ന്തം ഐ​റ്റം ഷെ​യ​ർ​ചെ​യ്ത് പ​ര​മാ​വ​ധി പേ​ർ​ക്ക് അ​യ​ച്ചു​കൊ​ടു​ത്ത് ലൈ​ക്കു​ക​ൾ വാ​ങ്ങാ​വു​ന്ന​താ​ണ്. ഓ​രോ വി​ഭാ​ഗ​ത്തി​ലും ജൂ​ൺ 30-ന് ​ഏ​റ്റ​വും കൂ​ടു​ത​ൽ ലൈ​ക്ക് ല​ഭി​ച്ച 20 ഗാ​ന​ങ്ങ​ൾ​വീ​തം വി​ല​യി​രു​ത്തി വി​ജ​യി​ക​ളെ പ്ര​ഖ്യാ​പി​ക്കും.

മത്സരവീഡിയോകൾ അയയ്ക്കേണ്ടത്:

ഇ-മെയിൽ - dcl@deepika.com, വാട്സ് ആപ്പ് - 9387689410

കെ.ജി. കൂ​ട്ടു​കാ​ർ​ക്കാ​യി സൂ​പ്പ​ർ മ​ത്സ​ര​ങ്ങ​ൾ

ഡി​സി​എ​ൽ ക​ലോ​ത്സ​വ​വേ​ദി​ക​ളി​ൽ കു​ഞ്ഞു​ടു​പ്പു​ക​ളു​ടെ വ​ർ​ണ വി​സ്മ​യം തീ​ർ​ത്ത് മാ​ലാ​ഖ​ച്ചി​രി​ക​ളു​ടെ കി​ലു​കി​ലാ​ര​വം ഉ​തി​ർ​ത്ത് പാ​റി ന​ട​ന്ന ഡി​സി​എ​ൽ നേ​ഴ്സ​റി കൂ​ട്ടു​കാ​ർ ഇ​നി ഓ​രോ​രു​ത്ത​രാ​യി വീ​ടു​ക​ളി​ലി​രു​ന്ന് മാ​താ​പി​താ​ക്ക​ളെ​യും സ​ഹോ​ദ​ര​ങ്ങ​ളെ​യും സ​ദ​സാ​ക്കി മാ​റ്റി ആ​ക്ഷ​ൻ സോം​ഗും ക​ഥ​പ​റ​ച്ചി​ലും ന​ട​ത്തും. എ​ൽ.​കെ.​ജി., യു.​കെ.​ജി. വി​ഭാ​ഗ​ങ്ങ​ൾ​ക്ക് പ്ര​ത്യേ​കം മ​ത്സ​ര​ങ്ങ​ൾ ഉ​ണ്ടാ​യി​രി​ക്കും. ആ​ൺ- പെ​ൺ വ്യ​ത്യാ​സ​മു​ണ്ടാ​യി​രി​ക്കു​ക​യി​ല്ല.

ഒ​രു സ്കൂ​ളി​ൽ​നി​ന്ന് എ​ത്ര കു​ട്ടി​ക​ൾ​ക്കു വേ​ണ​മെ​ങ്കി​ലും പ​ങ്കെ​ടു​ക്കാ​വു​ന്ന​താ​ണ്. വീ​ഡി​യോ അ​യ​യ്ക്കു​ന്പോ​ൾ പേ​രും വീ​ട്ടി​ലെ​യും സ്കൂ​ളി​ലെ​യും പൂ​ർ​ണ​മാ​യ വി​ലാ​സ​വും ക്ലാ​സും ഫോ​ൺ ന​ന്പ​രും ചേ​ർ​ക്കേ​ണ്ട​താ​ണ്. വീ​ടി​നു​ള്ളി​ലോ പു​റ​ത്തോ വ​ച്ച് കു​ട്ടി ക​ളി​ക്കു​ന്ന വീ​ഡി​യോ എ​ടു​ത്ത് dcl@deepika.com എ​ന്ന ഇ-​മെ​യി​ൽ അ​ഡ്ര​സി​ലോ, 9387679410 എ​ന്ന വാ​ട്സ് ആ​പ് ന​ന്പ​രി​ലേ​ക്കോ അ​യ​യ്ക്കാ​വു​ന്ന​താ​ണ് എന്ന് കൊച്ചേട്ടൻ ഫാ. റോയി കണ്ണൻചിറ സിഎംഐ അറിയിച്ചു.

ആ​ക‌്ഷ​ൻ സോം​ഗ് - ഇം​ഗ്ലീ​ഷ്, മ​ല​യാ​ളം

ഇം​ഗ്ലീ​ഷി​ലും മ​ല​യാ​ള​ത്തി​ലും ആ​ക്‌ഷൻ സോം​ഗ് അ​വ​ത​രി​പ്പി​ക്കാ​വു​ന്ന​താ​ണ്. പ​ശ്ചാ​ത്ത​ല​സം​ഗീ​തം പാ​ടി​ല്ല. മ​ത്സ​രാ​ർ​ത്ഥി ത​ന്നെ പാ​ടേ​ണ്ട​താ​ണ്. വ​സ്ത്ര​ധാ​ര​ണ​ത്തി​ന് പ്ര​ത്യേ​ക പ​രി​ഗ​ണ​ന ഉ​ണ്ടാ​യി​രി​ക്കു​ന്ന​താ​ണ്. ജൂ​ൺ 20 മു​ത​ൽ ജൂ​ലൈ 10 വ​രെ ആ​ക്ഷ​ൻ സോം​ഗി​നു​ള്ള എ​ൻ​ട്രി​ക​ൾ സ്വീ​ക​രി​ക്കും.

ക​ഥ​പ​റ​ച്ചി​ൽ - ഇം​ഗ്ലീ​ഷ്, മ​ല​യാ​ളം

ഇം​ഗ്ലീ​ഷി​ലോ, മ​ല​യാ​ള​ത്തി​ലോ ക​ഥ പ​റ​യാ​വു​ന്ന​താ​ണ്. ഭാ​ഷ​യ്ക്കു പ്ര​ത്യേ​ക പ​രി​ഗ​ണ​ന ഉ​ണ്ടാ​യി​രി​ക്കു​ന്ന​ത​ല്ല. ഉ​ച്ചാ​ര​ണ​ശു​ദ്ധി, അ​ർ​ത്ഥ​മ​നു​സ​രി​ച്ചു​ള്ള ഭാ​വ​പ്ര​ക​ട​നം, വ​സ്ത്ര​ധാ​ര​ണം എ​ന്നി​വ പ​രി​ഗ​ണി​ക്കു​ന്ന​താ​ണ്. ജൂ​ലൈ 20 മു​ത​ൽ ഓ​ഗ​സ്റ്റ് 10 വ​രെ ക​ഥ​പ​റ​ച്ചി​ലി​നു​ള്ള എ​ൻ​ട്രി​ക​ൾ സ്വീ​ക​രി​ക്കും.

ഭാവി സൂപ്പർ താരങ്ങളെത്തേടി മോ​ണോ ആ​ക്ട് മ​ത്സ​രം

പു​തി​യ കാ​ല​ത്തി​ന്‍റെ അ​ഭി​ന​യ​പ്ര​തി​ഭാ​മ​ത്സ​ര​ത്തി​ൽ പ​ങ്കെ​ടു​ക്കാ​ൻ നൂ​റു​ക​ണ​ക്കി​ന് ബാ​ല​താ​ര​ങ്ങ​ളാ​ണ് ഒ​രു​ങ്ങു​ന്ന​ത്. ഡി​സി​എ​ൽ മോ​ണോ ആ​ക്ട് മ​ത്സ​രം കേ​ര​ള​ത്തി​ലെ വി​ദ്യാ​ർ​ഥി​ക​ളി​ൽ അ​ഭി​ന​യ പ്ര​തി​ഭ​ക​ളു​ടെ ആ​ര​വ​മു​യ​ർ​ത്തും എ​ന്നാ​ണു പ്ര​തീ​ക്ഷി​ക്കു​ന്ന​ത്. ‌മോ​ണോ ആ​ക്ട് മ​ത്സ​ര​ത്തി​ന്‍റെ എ​ൻ​ട്രി​ക​ൾ ജൂ​ലൈ ഒ​ന്നു​മു​ത​ൽ അ​യ​യ്ക്കാ​വു​ന്ന​താ​ണ്. എ​ൽ.​പി., യു.​പി., ഹൈ​സ്കൂ​ൾ വി​ഭാ​ഗ​ങ്ങ​ൾ തി​രി​ച്ചാ​യി​രി​ക്കും മ​ത്സ​രം.

ആ​ൺ-​പെ​ൺ വ്യ​ത്യാ​സ​മു​ണ്ടാ​യി​രി​ക്കു​ക​യി​ല്ല. ല​ഭി​ക്കു​ന്ന എ​ൻ​ട്രി​ക​ൾ വി​ദ​ഗ്ധ സ​മി​തി പ​രി​ശോ​ധി​ച്ച് യോ​ഗ്യ​മാ​യ​വ​യാ​യി​രി​ക്കും dcldeepika എ​ന്ന യു ​ട്യൂ​ബ് ചാ​ന​ലി​ൽ അ​പ്ലോ​ഡ് ചെ​യ്യു​ക. കൂ​ടു​ത​ൽ വി​വ​ര​ങ്ങ​ൾ​ക്ക് 9387689410 എ​ന്ന ന​ന്പ​രി​ൽ രാ​വി​ലെ 10 മു​ത​ൽ വൈ​കു​ന്നേ​രം 4 വ​രെ വി​ളി​ക്കാ​വു​ന്ന​താ​ണ്.