കണ്ണൂർ: മാർച്ച് 18 മുതൽ 21 വരെ ഡൽഹിയിലെ നിസാമുദീനിൽ തബ്ലീഗ് ജമാഅത്തിന്റെ നാലുദിവസത്തെ സമ്മേളനത്തിൽ കേരളത്തിൽനിന്നു പങ്കെടുത്തത് 19 പേർ മാത്രമെന്ന് തബ്ലീഗ് ജമാഅത്തിന്റെ ഭാരവാഹികൾ ദീപികയോട് പറഞ്ഞു. ഈ സമ്മേളനത്തിൽ കൊല്ലം, പത്തനംതിട്ട, പാലക്കാട് സ്വദേശികളാണ് പങ്കെടുത്ത്. ഇവർ ഇപ്പോഴും ഡൽഹിയിൽ കുടുങ്ങിക്കിടക്കുകയാണ്.
18 മുതൽ നടന്ന സമ്മേളനത്തിൽ പങ്കെടുത്തവർക്കാണ് കൂടുതലായും കോവിഡ്-19 സ്ഥിരീകരിച്ചത്. മാർച്ച് ഏഴുമുതൽ 10 വരെയുള്ള സമ്മേളനത്തിലും മലയാളികൾ പങ്കെടുത്തിരുന്നു. എന്നാൽ, ഇവർ പത്തിനുതന്നെ വിമാനമാർഗം കേരളത്തിൽ എത്തി. കണ്ണൂരിൽനിന്ന് എട്ടുപേരാണ് ഏഴുമുതലുള്ള സമ്മേളനത്തിൽ പങ്കെടുത്തതെന്നും ഭാരവാഹികൾ പറഞ്ഞു. തളിപ്പറമ്പ് സ്വദേശിക്കാണ് തബ്ലീഗ് ജമാഅത്ത് കേരളഘടകത്തിന്റെ ചുമതല.
തബ്ലീഗ്: പങ്കെടുത്തത് 27 മലയാളികൾ
01:11 AM Apr 02, 2020 | Deepika.com