തിരുവനന്തപുരം: ഇറ്റലിയിലും ഇറാനിലും പുതിയ കോവിഡ് 19 കേസുകള് റിപ്പോര്ട്ട് ചെയ്യപ്പെടുന്നതും രോഗം വ്യാപിക്കുന്നതും കണക്കിലെടുത്ത് ഈ രാജ്യങ്ങളില് നിന്നും വരുന്നവരെ കൂടി പരിശോധിക്കാന് തീരുമാനിച്ചതായി ആരോഗ്യ മന്ത്രി കെ.കെ. ശൈലജ അറിയിച്ചു.
ചൈന, ഹോങ്കോംഗ്, തായ്ലന്ഡ്, സിംഗപ്പൂര്, ജപ്പാൻ, ദക്ഷിണ കൊറിയ, വിയറ്റ്നാം, നേപ്പാള്, ഇന്തോനേഷ്യ, മലേഷ്യ എന്നിവയ്ക്ക് പുറമേ ഇറാന്, ഇറ്റലി എന്നിവിടങ്ങളില് നിന്ന് നേരിട്ടുള്ള ഫ്ലൈറ്റുകളിലൂടെ വരുന്ന യാത്രക്കാരെ കൂടി പരിശോധിക്കും. ഈ രാജ്യങ്ങളില് നിന്നു വരുന്ന എല്ലാ ആളുകളും നിര്ദേശങ്ങള് പാലിക്കണം.
റിപ്പബ്ലിക് ഓഫ് കൊറിയ, ഇറാന്, ഇറ്റലി എന്നിവിടങ്ങളില് നിന്ന് വരുന്നവരോ 10 മുതല് അത്തരം യാത്രാ ചരിത്രമുള്ളവരോ ഇന്ത്യയിലെത്തുമ്പോള് 14 ദിവസത്തേക്ക് നിരീക്ഷണത്തില് തുടരേണ്ടതാണ്. രോഗ ലക്ഷണമില്ലാത്തവര് 14 ദിവസം വീടുകളില് നിരീക്ഷണത്തില് തുടരണം. രോഗലക്ഷണമുള്ളവര്ഐസൊ ലേഷന് സൗകര്യമുള്ള ആശുപത്രികളുമായി ബന്ധപ്പെടണം.
ഇറാനിൽ നിന്നും ഇറ്റലിയിൽ നിന്നും എത്തുന്നവരെയും പരിശോധിക്കും
12:48 AM Feb 27, 2020 | Deepika.com