കോട്ടയം വഴിയുള്ള ട്രെയിനുകൾ വൈകിയോടും
12:30 AM Feb 26, 2020 | Deepika.com
തിരുവനന്തപുരം: കോട്ടയം-എറണാകുളം സെക്ഷനിൽ ട്രാക്ക് അറ്റകുറ്റപ്പണികൾ നടക്കുന്നതിനാൽ 29 ന് കോട്ടയം വഴിയുള്ള നാല് ട്രെയിനുകൾ വൈകിയോടുമെന്ന് റെയിൽവേ അറിയിച്ചു. ഗാന്ധിധാം-നാഗർകോവിൽ എക്സ്പ്രസ് പിറവം റോഡ് റെയിൽവേ സ്റ്റേഷനിൽ രണ്ടു മണിക്കൂറും തുടർന്നു പിറവത്തിനും വൈക്കത്തിനുമിടയിൽ 35 മിനിറ്റും പിടിച്ചിടും. മാംഗളൂർ- തിരുവനന്തപുരം സെൻട്രൽ എക്സ്പ്രസ് എറണാകുളം-കോട്ടയം സെക്ഷനിൽ ഒന്നര മണിക്കൂർ പിടിച്ചിടും. മധുര-തിരുവനന്തപുരം അമൃത എക്സ്പ്രസ്, നിലന്പൂർ റോഡ്-കൊച്ചുവേളി രാജ്യറാണി എന്നീ ട്രെയിനുകൾ കോട്ടയം സെക്ഷനിൽ ഒന്നര മണിക്കൂർ പിടിച്ചിടുമെന്നും റെയിൽവേ അറിയിച്ചു.