തിരുവനന്തപുരം: സംസ്ഥാനത്തെ എൻജിനിയറിംഗ് കോളജുകളിലെ എംടെക്/എംആർക്ക്/പിഎച്ച്ഡി സിവിൽ/ആർക്കിടെക്ചർ വിഭാഗത്തിലെ അവസാനവർഷ വിദ്യാർഥികളിൽ നിന്നും ‘കേരള കാലാവസ്ഥ പ്രതിരോധ ഭവന രൂപകല്പന’ വിഷയത്തിൽ പൂർത്തീകരിച്ച പ്രബന്ധങ്ങൾ/പ്രോജക്ട് റിപ്പോർട്ടുകൾ കാഷ് അവാർഡിനായി ക്ഷണിച്ചു.
ഏറ്റവും മികച്ച പ്രബന്ധങ്ങൾ/പ്രോജക്ട് റിപ്പോർട്ടിന് 50,000 രൂപ വീതം കാഷ് അവാർഡ് നൽകും.
പ്രിൻസിപ്പൽ/വകുപ്പ് തലവന്റെ സാക്ഷ്യപത്രത്തോടെ പ്രബന്ധങ്ങൾ/പ്രോക്ട് റിപ്പോർട്ടിന്റെ പകർപ്പ് (രണ്ട് കോപ്പി) ഫെബ്രുവരി പത്തിന് വൈകുന്നേരം അഞ്ചിനകം ലഭ്യമാക്കണം. നിശ്ചിത സമയത്തിനകം ലഭിക്കുന്ന പ്രൊപ്പോസലുകൾ വിദഗ്ധ സമിതി പരിശോധിച്ച് അവാർഡ് നിശ്ചയിക്കും.
പ്രബന്ധങ്ങൾ സമർപ്പിക്കേണ്ട വിലാസം: ഹൗസിംഗ് കമ്മീഷണർ, ഭവന നിർമാണ (സാങ്കേതിക വിഭാഗം) വകുപ്പ്, ഹൗസിംഗ് കമ്മീഷണറുടെ കാര്യാലയം, കെഎസ്എച്ച്ബി ബിൽഡിംഗ്, ശാന്തിനഗർ, തിരുവനന്തപുരം-695001. ഫോൺ: 0471-2330720. ഇ- മെയിൽ: housing commission er@gmail.com
എൻജിനിയറിംഗ് വിദ്യാർഥികളുടെ പ്രബന്ധങ്ങൾക്കു കാഷ് അവാർഡ്
11:16 PM Jan 21, 2020 | Deepika.com