കോട്ടയം: ജെഇഇ മെയിൻ പരീക്ഷയിൽ പാലാ ചാവറ പബ്ലിക് സ്കൂളിനു തിളക്കമാർന്ന വിജയം. 16 കുട്ടികൾ 99 പെർസെന്റൈൽ സ്കോറിനു മുകളിൽ നേടി. 99.933 സ്കോർ നേടിയ ബിജോ ജോണ് സ്കൂളിൽ ഒന്നാമനും സംസ്ഥാനത്ത് നാലാമനുമായി.
99 പെർസെന്റൈൽ സ്കോർ നേടിയ കുട്ടികളുടെ എണ്ണത്തിൽ കേരളത്തിലെ സിബിഎസ്ഇ സ്കൂളുകളിൽ ഏറ്റവും വലിയ വിജയമാണ് സ്കൂൾ നേടിയത്. 21 കുട്ടികൾ 98നു മുകളിലും13 കുട്ടികൾ 97നു മുകളിലും സ്കോർ നേടി.വിജയം നേടിയ വിദ്യാർഥികളെ സ്കൂൾ മാനേജർ ഫാ.സക്കറിയാസ് കളപ്പുരക്കൽ സിഎംഐ, പ്രിൻസിപ്പൽ ഫാ. മാത്യു കരീത്തറ സിഎംഐ, ഡയറക്ടർ ഫാ. സാബു കൂടപ്പാട്ട് സിഎംഐ, സി.ജെ. ഇമ്മാനുവൽ എന്നിവർ അഭിനന്ദിച്ചു.
ജെഇഇ മെയിൻ ഫലം: ചാവറ പബ്ലിക് സ്കൂളിന് ഉജ്വല വിജയം
11:34 PM Jan 20, 2020 | Deepika.com