നെടുമ്പാശേരി: കൊച്ചി അന്താരാഷ്ട്ര വിമാനത്താവളത്തിൽ ഒരു മാസത്തിനിടെ എയര് കസ്റ്റംസ് ഇന്റലിജന്സ് പിടികൂടിയത് അഞ്ചരക്കോടി രൂപയുടെ സ്വര്ണം.
വിവിധ കേസുകളിലായി 22 പേരാണ് ഈ കാലയളവിൽ സ്വർണക്കടത്തിനിടെ പിടിയിലായത്. പിടികൂടിയത് 15.2 കിലോഗ്രാം സ്വര്ണം. ഒരു കോടിയോളം രൂപയുടെ വിദേശ കറന്സിയും ഈ കാലയളവില് പിടികൂടിയിട്ടുണ്ട്. 20 ലക്ഷം രൂപ വിലമതിക്കുന്ന 526 കാര്ട്ടണ് സിഗരറ്റും പിടികൂടി.
കേരളത്തിലെ നാലു വിമാനത്താവളങ്ങളിലും എയർ കസ്റ്റംസ് ഇന്റലിജൻസ് വിഭാഗം പരിശോധന കര്ശനമാക്കിയതോടെ അതിനൂതന വിദ്യകളാണ് സ്വർണക്കടത്തുകാർ സ്വീകരിക്കുന്നത്. സ്വർണം ദ്രാവക രൂപത്തില് പായ്ക്കറ്റുകളിലാക്കിയാണ് ഇപ്പോള് കൂടുതലായും കടത്തുന്നത്.
ഒരു മാസത്തിനിടെ പിടികൂടിയത് അഞ്ചരക്കോടിയുടെ സ്വർണം
12:30 AM Dec 10, 2019 | Deepika.com