ബാങ്ക് എംപ്ലോയീസ് ഫെഡറേഷൻ മഹാധർണ നാളെ ആലുവയിൽ
12:05 AM Dec 03, 2019 | Deepika.com
കൊച്ചി: ജനകീയ ബാങ്കിംഗ് നിലനിർത്തുക, സാധാരണക്കാരെ ബാങ്കിൽ നിന്നകറ്റുന്ന ഉയർന്ന മിനിമം ബാലൻസും ഭീമമായ സർവീസ് ചാർജും പിൻവലിക്കുക, ട്രേഡ് യൂണിയൻ പ്രവർത്തന സ്വാതന്ത്ര്യം നിഷേധിക്കുന്ന നടപടികൾ അവസാനിപ്പിക്കുക തുടങ്ങിയ ആവശ്യങ്ങൾ ഉന്നയിച്ച് ഓൾ കേരള ബാങ്ക് എംപ്ലോയീസ് ഫെഡറേഷന്റെ(എകെബിഇഎഫ്) ആഭിമുഖ്യത്തിൽ മഹാധർണ സംഘടിപ്പിക്കുന്നു. നാളെ ആലുവ ഫെഡറൽ ബാങ്ക് ആസ്ഥാനത്ത് സംഘടിപ്പിക്കുന്ന പരിപാടി എഐടിയുസി സംസ്ഥാന ജനറൽ സെക്രട്ടറി കെ.പി. രാജേന്ദ്രൻ ഉദ്ഘാടനം ചെയ്യും. എകെബിഇഎഫ് പ്രസിഡന്റ് അനിയൻ മാത്യു, ജനറൽ സെക്രട്ടറി സി.ഡി. ജോസണ്, ഡെപ്യൂട്ടി ജനറൽ സെക്രട്ടറി മാത്യു ജോർജ്, ജയപ്രകാശ് എന്നിവർ പത്രസമ്മേളനത്തിൽ പങ്കെടുത്തു.