തിരുവനന്തപുരം: കേരളത്തില് 28 പോക്സോ ഫാസ്റ്റ് ട്രാക്ക് സ്പെഷല് കോടതികള് ആരംഭിക്കാൻ കേന്ദ്ര നിയമ നീതിന്യായ മന്ത്രാലയം അനുമതി നല്കിയതായി ആരോഗ്യ മന്ത്രി കെ.കെ. ശൈലജ അറിയിച്ചു. കേന്ദ്ര-സംസ്ഥാന സര്ക്കാരുകള് സംയുക്തമായാണു പോക്സോ കോടതികള് സ്ഥാപിക്കുന്നത്. നിര്ഭയ ഫണ്ടില്നിന്ന് ഒരു കോടതിക്ക് 75 ലക്ഷം രൂപ നിരക്കില് 60:40 അനുപാതത്തില് കേന്ദ്ര സംസ്ഥാന വിഹിതം ഉപയോഗപ്പെടുത്തിയാണ് ഈ കോടതികള് ആരംഭിക്കുക. ഇതിന്റെ ആദ്യഗഡുവായി 6.3 കോടി രൂപ കേന്ദ്രം അനുവദിച്ചിട്ടുണ്ട്.
തിരുവനന്തപുരം, തൃശൂര്, പാലക്കാട്, മലപ്പുറം എന്നീ ജില്ലകളില് മൂന്നും കൊല്ലം, കോട്ടയം, ഇടുക്കി, എറണാകുളം, കോഴിക്കോട്, കണ്ണൂര് ജില്ലകളില് രണ്ടും മറ്റു ജില്ലകളില് ഒന്നും വീതം കോടതികളാണ് അനുവദിക്കുന്നത്. ഇതോടെ എല്ലാ ജില്ലകളിലും പോക്സോ അതിവേഗ പ്രത്യേക കോടതികള് സ്ഥാപിക്കാനാകും. ഈ പദ്ധതി അനുസരിച്ച് 57 പോക്സോ അതിവേഗ കോടതികളാണു സംസ്ഥാനത്തു സ്ഥാപിക്കാന് ഉദ്ദേശിക്കുന്നതെന്നും മന്ത്രി പറഞ്ഞു
കേരളത്തിന് 28 പോക്സോ അതിവേഗ കോടതികള്
12:57 AM Dec 01, 2019 | Deepika.com