കോട്ടയം: ഇടുക്കി മുൻസിഫ് കോടതിയിൽ സംസ്ഥാന കമ്മിറ്റിയംഗങ്ങളുടെ വ്യാജലിസ്റ്റ് നൽകിയ ജോസ് കെ. മാണിയാണു കേരളാ കോണ്ഗ്രസ് (എം) ജോസഫ് വിഭാഗം തെരഞ്ഞെടുപ്പ് കമ്മീഷനു സമർപ്പിച്ച ലിസ്റ്റ് വ്യാജമാണെന്നു പറയുന്നതെന്നു ജോസഫ് വിഭാഗം നേതാവ് ജോയി എബ്രഹാം.
അറയ്ക്കൽ ബാലകൃഷ്ണപിള്ള ചെയർമാനും ജോയി ഏബ്രാഹം, മോൻസ് ജോസഫ് എന്നിവർ അംഗങ്ങളുമായ കമ്മിറ്റി അംഗീകരിച്ച് റിട്ടേണിംഗ് ഓഫീസർക്ക് കൈമാറിയ സംസ്ഥാന കമ്മിറ്റിയംഗങ്ങളുടെ ലിസ്റ്റിന്റെ പകർപ്പാണ് ജോസഫ് വിഭാഗം ഇലക്ഷൻ കമ്മീഷനു സമർപ്പിച്ചത്. വസ്തുത ഇതായിരിക്കേ ജോസഫ് വിഭാഗം സമർപ്പിച്ച സംസ്ഥാന കമ്മിറ്റിയംഗങ്ങളുടെ ലിസ്റ്റ് സംബന്ധിച്ച ജോസ് കെ. മാണിയുടെ ആരോപണങ്ങൾ അടിസ്ഥാന രഹിതവുമാണെന്നു ജോയി എബ്രഹാം പറഞ്ഞു.
ആരോപണങ്ങൾ അടിസ്ഥാനരഹിതമെന്നു ജോയി എബ്രഹാം
11:49 PM Nov 30, 2019 | Deepika.com