50 ലക്ഷത്തിന്‍റെ വിദേശ കറൻസി പിടിച്ചു
12:25 AM Nov 28, 2019 | Deepika.com
നെടുമ്പാശേരി: കൊച്ചി അന്താരാഷ്‌ട്ര വിമാനത്താവളം വഴി വിദേശത്തേക്ക് പോകുന്നതിനായി എത്തിയ യാത്രക്കാരനിൽ നിന്ന് അനധികൃതമായി കടത്താൻ ശ്രമിച്ച 50 ലക്ഷം രൂപയുടെ വിദേശ കറൻസി പിടിച്ചു. എയർ ഇന്ത്യ എക്സ്പ്രസിൽ കൊച്ചിയിൽ നിന്നു ദുബായിയിലേക്ക് പോകാനെത്തിയ അങ്കമാലി സ്വദേശിയിൽ നിന്നാണ് വിദേശ കറൻസി പിടിച്ചത്. അമേരിക്കൽ ഡോളർ, യുഎഇ ദിർഹം, സൗദി റിയാൽ എന്നിവയാണ് ഇയാളുടെ ബാഗിൽ ഉണ്ടായിരുന്നത്.