ചെമ്പന്തൊട്ടി: വിമൽജ്യോതി എൻജിനിയറിംഗ് കോളജിലെ അപ്ലൈഡ് സയൻസ് ആൻഡ് ഹ്യുമാനിറ്റീസ് ഡിപ്പാർട്ട്മെന്റിന്റെ നേതൃത്വത്തിൽ സംഘടിപ്പിക്കുന്ന നോർത്ത് കേരള മെഗാ സയൻസ് ക്വിസ് മത്സരം സ്റ്റെം -2 കെ19 നാളെ രാവിലെ 9.30 മുതൽ ചെമ്പേരി വിമൽജ്യോതിയിൽ നടക്കും.
പേര് മുൻകൂട്ടി രജിസ്റ്റർ ചെയ്തവരും ഇനിയും പങ്കെടുക്കാനാഗ്രഹിക്കുന്ന കുട്ടികളും നാളെ രാവിലെ 9.30നകം കോളജിൽ നേരിട്ട് എത്തണമെന്ന് പ്രിൻസിപ്പൽ അറിയിച്ചു.
ഹയർ സെക്കൻഡറി വിഭാഗങ്ങളിൽ പഠിക്കുന്ന നാലു വിദ്യാർഥികൾ അടങ്ങുന്ന ഒരു ടീമാണ് ഒരു സ്കൂളിൽനിന്നു പങ്കെടുക്കേണ്ടത്. ഓരോ ടീമും അതത് സ്കൂൾ പ്രിൻസിപ്പൽമാരുടെ ഒപ്പോടുകൂടിയ സാക്ഷ്യപത്രവും ഹാജരാക്കണം.
ഒന്ന്, രണ്ട്, മൂന്ന് സ്ഥാനക്കാർക്ക് യഥാക്രമം 12000, 8000, 6000 രൂപ വീതമുള്ള കാഷ് അവാർഡും ഫൈനൽ റൗണ്ടിലെത്തുന്ന ബാക്കി മൂന്നു ടീമുകൾക്ക് 4000 രൂപ വീതം പ്രോത്സാഹന സമ്മാനവും ഉണ്ടായിരിക്കും. കൂടുതൽ വിവരങ്ങൾക്ക് 9947233158, 9847151817, 9495146970 എന്നീ നമ്പറുകളിൽ ബന്ധപ്പെടുക. രജിസ്ട്രേഷൻ സൗജന്യമാണ്.
സയൻസ് ക്വിസ് മത്സരം നാളെ വിമൽജ്യോതിയിൽ
11:27 PM Nov 25, 2019 | Deepika.com