കൊച്ചി: ആറു പതിറ്റാണ്ടിലെത്തിയ കുട്ടികളുടെ സചിത്രമാസികയായ സ്നേഹസേനയുടെ പുതിയ സംരംഭം സ്നേഹസേന കമ്യൂണിക്കേഷൻസ് പ്രവർത്തനമാരംഭിച്ചു. നവമാധ്യമത്തിന്റെ സാധ്യതകൾ കുട്ടികൾക്ക് കൂടുതൽ ലഭ്യമാക്കുകയാണ് സംരംഭത്തിന്റെ ലക്ഷ്യം. സ്നേഹസേന കമ്യൂണിക്കേഷൻസിന്റ വെബ്സൈറ്റ്, www.nsehasena.org സിപ്പി പള്ളിപ്പുറം ഉദ്ഘാടനം ചെയ്തു.
കുട്ടികൾ, മാതാപിതാക്കൾ, അധ്യാപകർ എന്നിവരെ ലക്ഷ്യമാക്കിയാണു വെബ്സൈറ്റ് തുടങ്ങിയിട്ടുള്ളത്. കുട്ടികൾ കഥാപാത്രങ്ങളായി എത്തുകയും കുട്ടികളിലേക്കു മൂല്യമെത്തിക്കുകയും ചെയ്യുന്ന മോട്ടിവേഷണൽ ഹ്രസ്വചിത്രങ്ങളുടെ ലോഞ്ചിംഗ് ഷാജി മാലിപ്പാറ നിർവഹിച്ചു. മോട്ടിവേഷണൽ വീഡിയോകളുടെ പരന്പര എ.കെ. പുതുശേരി പ്രകാശനം ചെയ്തു. ഷാജി മാലിപ്പാറയുടെ ‘പൊതിച്ചോറ്’ പരന്പരയിലെ പ്രഥമ പുസ്തകമായ ‘അധ്യാപനം: അനുഗ്രഹവും ആനന്ദവും’ റവ. ഡോ. എ. അടപ്പൂർ പ്രകാശനം ചെയ്തു.
സംഗീത സംവിധായകൻ വിഷ്ണു ശ്യാം, കലാമണ്ഡലം സ്വീറ്റി, കലാമണ്ഡലം അമൃത, ഛായാഗ്രഹകൻ സിജോയി, മാർട്ടിൻ, ജിനു കുറ്റിക്കാട്ടിൽ, ലിബിൻ, ജിബിൻ, ഗായിക ദിവിന, എഴുത്ത് മാസിക പത്രാധിപർ ഫാ. റോയി തോട്ടം എസ്ജെ, സ്നേഹ സേന ഡയറക്ടർ ഫാ. ഷെയ്സ് പൊരുന്നക്കോട്ട് എന്നിവരും പ്രസംഗിച്ചു.
സ്നേഹസേന കമ്യൂണിക്കേഷൻസിനു തുടക്കമായി
01:11 AM Nov 24, 2019 | Deepika.com