കടുത്തുരുത്തി: ബൈക്കും കാറും കൂട്ടിയിടിച്ചുണ്ടായ അപകടത്തിൽ പരിക്കേറ്റ് ചികിത്സയിലായിരുന്ന തൊഴിലാളി മരിച്ചു. മധുരവേലി ഹരിജൻ കോളനി മുക്കോണിയിൽ അപ്പുക്കുട്ടൻ (50) ആണ് മരിച്ചത്. സഹയാത്രികനായ എഴുമാംതുരുത്ത് മീരാഭവനിൽ പി ഡി ഷാജി (55)ക്കും അപകടത്തിൽ പരിക്കേറ്റു. ശനിയാഴ്ച വൈകിട്ട് അഞ്ച് മണിയോടെ മരങ്ങാട്ടുപള്ളി പൈക്കാട്ട് ജംഗ്ഷന് സമീപമായിരുന്നു അപകടം.
അപ്പുക്കുട്ടൻ സുഹൃത്ത് ഷാജിയോടൊപ്പം ബൈക്കിൻറെ പുറകിലിരുന്ന് തിരികെ വീട്ടിലേക്ക് വരുന്ന വഴി മരങ്ങാട്ടുപള്ളി പൈക്കാട്ട് ജംഗ്ഷന് സമീപം എതിർദിശയിൽ നിന്നും എത്തിയ കാറുമായി കൂട്ടിയിടിക്കുകയായിരുന്നു. അപ്പുക്കുട്ടൻ ഞായറാഴ്ച വൈകിട്ട് പത്തരയോടെ മരണപ്പെടുകയായിരുന്നു. സംസ്കാരം വീട്ടുവളപ്പിൽ നടത്തി. ഭാര്യ സുനിത. മകൻ അഭിജിത്ത്.
അപകടത്തിൽ പരിക്കേറ്റ തൊഴിലാളി മരിച്ചു
11:52 PM Oct 28, 2019 | Deepika.com