കോട്ടയം: പ്രേഷിതപ്രഭാവം രക്തത്തിൽ അലിഞ്ഞു ചേർന്നിരിക്കുന്ന സമൂഹമാണ് ക്നാനായ സമുദായമെന്നു റിട്ടയേർഡ് ജസ്റ്റീസ് കുര്യൻ ജോസഫ്. ഫ്രാൻസിസ് മാർപാപ്പ ഒക്ടോബർ മാസം അസാധാരണ പ്രേഷിതമാസാചരണത്തിന് ആഹ്വാനം ചെയ്ത പശ്ചാത്തലത്തിൽ കോട്ടയം അതിരൂപതയിലെ അസാധാരണ പ്രേഷിത മാസാചരണത്തിന്‍റെ ഭാഗമായി ഏകദിന പ്രേഷിത പഠനശിബിരവും മിഷനറി പ്രതിനിധി സംഗമവും തെള്ളകം ചൈതന്യ പാസ്റ്ററൽ സെന്‍ററിൽ ഉദ്ഘാടനം ചെയ്യുകയായിരുന്നു അദ്ദേഹം.
കോട്ടയം ആർച്ച്ബിഷപ് മാർ മാത്യു മൂലക്കാട്ട് അധ്യക്ഷതവഹിച്ചു. തോമസ് ചാഴികാടൻ എം.പി മുഖ്യാതിഥിയായിരുന്നു. വികാരി ജനറാൾ ഫാ. മൈക്കിൾ വെട്ടിക്കാട്ട്, ഫാ. സ്റ്റാനി ഇടത്തിപ്പറന്പിൽ, ഫാ. ജോബി പുച്ചുകണ്ടത്തിൽ, ഷെവ. ജോയി ജോസഫ് കൊടിയന്തറ, സ്റ്റീഫൻ ജോർജ്, ഫാ. മാത്യു മണക്കാട്ട്, ഫാ. ബൈജു മാത്യു മുകളേൽ, ഫാ. സ്റ്റീഫൻ വെട്ടുവേലിൽ, ഫാ. ജോണ്സണ് നീലനിരപ്പേൽ, സിസ്റ്റർ റ്റെസ് ഡിഎസ്എഫ്എസ് എന്നിവർ പ്രസംഗിച്ചു.
വൈദിക-സന്യസ്ത- അല്മായ പ്രതിനിധികൾ പ്രബന്ധം അവതരിപ്പിച്ചു. ചെറുപുഷ്പ മിഷൻ ലീഗ്, വിശുദ്ധ പത്താം പീയൂസിന്‍റെ മിഷനറി സൊസൈറ്റി, മോണ്. ജേക്കബ് കൊല്ലാപറന്പിൽ എഡ്യുക്കേഷൻ ട്രസ്റ്റ് എന്നിവർ പരിപാടികൾക്കു നേതൃത്വം നൽകി. സമ്മേളനത്തിൽ അഞ്ഞൂറോളം പേർ പങ്കെടുത്തു.
ക്നാനായ സമുദായം പ്രേഷിതപ്രഭാവം രക്തത്തിലുള്ളവർ: ജസ്റ്റീസ് കുര്യൻ ജോസഫ്
12:22 AM Oct 27, 2019 | Deepika.com