തിരുവനന്തപുരം: മസ്തിഷ്കാഘാതത്തിന്റെ ലക്ഷണങ്ങൾ കണ്ടതിനെത്തുടർന്നു ശ്രീ ചിത്രതിരുനാൾ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസിൽ പ്രവേശിപ്പിച്ച മുതിർന്ന സിപിഎം നേതാവ് വി.എസ്.അച്യുതാനന്ദന്റെ ആരോഗ്യ നില തൃപ്തികരം. മരുന്നുകളോടും ചികിത്സയോടും അദ്ദേഹത്തിന്റെ ശരീരം പൂർണമായും പ്രതികരിക്കുന്നുണ്ടെന്ന് ഡോക്ടർമാർ അറിയിച്ചു.
കഴിഞ്ഞ ദിവസം ദേഹാസ്വാസ്ഥ്യത്തെത്തുടർന്നു വിഎസിനെ സ്വകാര്യ ആശുപത്രിയിൽ പ്രവേശിപ്പിച്ചിരുന്നു. തലയിൽ ചെറുതായി രക്തസ്രാവം കണ്ടതിനെ തുടർന്നാണു അദ്ദേഹത്തെ ശ്രീ ചിത്രാ ഇൻസ്റ്റിറ്റ്യൂട്ടിൽ പ്രവേശിപ്പിച്ചത്. ഡോക്ടർമാരുടെ സൂക്ഷമമായ നിരീക്ഷണത്തിലാണ് ഇപ്പോൾ അദ്ദേഹം. വിഎസിന്റെ കുടുംബാംഗങ്ങൾ മാത്രമാണ് ആശുപത്രിയിലുള്ളത്.
വിഎസിന്റെ ആരോഗ്യനില തൃപ്തികരം
12:22 AM Oct 27, 2019 | Deepika.com