തിരുവനന്തപുരം: ചക്കുളത്തുകാവ് ശ്രീ ഭഗവതി ക്ഷേത്രത്തിലെ പൊങ്കാല ഡിസംബർ 10ന്. രാവിലെ ഒൻപതിനു ക്ഷേത്രകാര്യദർശി മണിക്കുട്ടൻ നന്പൂതിരിയുടെ അധ്യക്ഷതയിൽ നടക്കുന്ന അധ്യാത്മിക സംഗമം മുഖ്യ കാര്യദർശി രാധാകൃഷ്ണൻ നന്പൂതിരി ഉദ്ഘാടനം ചെയ്യും. തുടർന്നു പൊങ്കാലയുടെ ഉദ്ഘാടനം ഹിന്ദുമഹാമണ്ഡലം പ്രസിഡന്റ് പി.എസ്. നായർ നിർവഹിക്കുമെന്നും അഡ്മിനിസ്ട്രേറ്റർ കെ.കെ. ഗോപാലകൃഷ്ണൻ നായർ പത്രസമ്മേളനത്തിൽ അറിയിച്ചു.
വൈകുന്നേരം 5.30ന് ക്ഷേത്രകാര്യദർശി മണിക്കുട്ടൻ നന്പൂതിരിയുടെ അധ്യക്ഷതയിൽ നടക്കുന്ന സാംസ്കാരിക സമ്മേളനം സജി ചെറിയാൻ എംഎൽഎ നിർവഹിക്കും. ചടങ്ങിൽ കൊടിക്കുന്നിൽ സുരേഷ് എംപി മുഖ്യ അതിഥിയാകും. മണിക്കുട്ടൻ നന്പൂതിരി, രമേശ് ഇളമണ് നന്പൂതിരി, ഹരിക്കുട്ടൻ നന്പൂതിരി, സുരേഷ് കാവുംഭാഗം, കെ. സതീശ്കുമാർ എന്നിവരും പത്രസമ്മേളനത്തിൽ പങ്കെടുത്തു.
ചക്കുളത്തുകാവിൽ പൊങ്കാല ഡിസംബർ പത്തിന്
11:41 PM Oct 26, 2019 | Deepika.com