കൊച്ചി: എച്ച്എംഎസ് സംസ്ഥാന ജനറൽ സെക്രട്ടറി സ്ഥാനം എം.കെ. കണ്ണൻ രാജിവച്ചു. കൊച്ചിയിൽ സംസ്ഥാനസമിതി യോഗത്തിലാണ് സ്ഥാനമൊഴിഞ്ഞത്. സംസ്ഥാന ആക്ടിംഗ് ജനറൽ സെക്രട്ടറിയായി ടോമി മാത്യുവിനെ (എറണാകുളം) യോഗം തെരഞ്ഞെടുത്തു.
നേരത്തെ സിഎംപി നേതാവായിരുന്നു എം.കെ. കണ്ണൻ ഇപ്പോൾ സിപിഎമ്മിലാണ്. സിഎംപി വിഭാഗത്തിന്റെ തൊഴിലാളി സംഘടന 2010ൽ എച്ച്എംഎസിൽ ലയിച്ചതിനെത്തുടർന്നാണു കണ്ണൻ നേതൃരംഗത്ത് എത്തിയത്. സിഎംപിയിൽ പിന്നീട് പിളർപ്പ് ഉണ്ടാകുകയും കണ്ണന്റെയും മറ്റും നേതൃത്വത്തിൽ ഒരുവിഭാഗം സിപിഎമ്മിൽ ലയിക്കുകയും ചെയ്തു. എന്നാൽ ഇരുവിഭാഗവും എച്ച്എംഎസിൽ തുടർന്നു. സിഐടിയുവിനൊപ്പം പ്രവർത്തിക്കുന്ന സാഹചര്യത്തിൽ എച്ച്എംഎസിൽ തുടരുന്നതു ശരിയല്ലെന്ന നിലപാടിലാണു കണ്ണന്റെ ഇപ്പോഴത്തെ രാജി.
സംസ്ഥാനസമിതി യോഗത്തിൽ പ്രസിഡന്റ് ടോം തോമസ് അധ്യക്ഷത വഹിച്ചു. ദേശീയ സെക്രട്ടറി തന്പാൻ തോമസ് ഉദ്ഘാടനംചെയ്തു. മനയതു ചന്ദ്രൻ, പി.എസ്. ആഷിക്, ജോർജ് തോമസ്, രാജൻ ബാബു, എം.കെ. പ്രേംനാഥ് തുടങ്ങിയവർ പ്രസംഗിച്ചു.
എച്ച്എംഎസ് ജനറൽ സെക്രട്ടറി എം.കെ. കണ്ണൻ രാജിവച്ചു
11:28 PM Oct 26, 2019 | Deepika.com