കൊച്ചി: പാലാരിവട്ടം ഫ്ളൈ ഓവർ അഴിമതിക്കേസുമായി ബന്ധപ്പെട്ടു മുൻ പൊതുമരാമത്ത് മന്ത്രി വി.കെ. ഇബ്രാഹിംകുഞ്ഞിന്റെ പങ്കാളിത്തം അന്വേഷിക്കാൻ അഴിമതി നിരോധന നിയമത്തിലെ പുതിയ ഭേദഗതിപ്രകാരം സർക്കാരിന്റെ അനുമതി തേടി അപേക്ഷ നൽകിയെന്നു വിജിലൻസ് ഹൈക്കോടതിയിൽ അറിയിച്ചു. ഇത് അധികൃതരുടെ പരിഗണനയിലാണ്.
മുൻ പൊതുമരാമത്ത് സെക്രട്ടറി ടി.ഒ. സൂരജ് നൽകിയ ജാമ്യാപേക്ഷയിൽ വിജിലൻസ് ഡിവൈഎസ്പി വി.ശ്യാംകുമാറാണ് ഹൈക്കോടതിയിൽ റിപ്പോർട്ട് നൽകിയത്. മൊബിലൈസേഷൻ അഡ്വാൻസ് നൽകാനുള്ള ഗൂഢാലോചനയെക്കുറിച്ചും ഇതിനുള്ള സർക്കാർ ഉത്തരവിനു കാരണക്കാരനായ ഇബ്രാഹിംകുഞ്ഞിന്റെ പങ്കിനെക്കുറിച്ചുമാണ് അന്വേഷണം വേണ്ടതെന്നു റിപ്പോർട്ടിൽ പറയുന്നു.
പാലാരിവട്ടം അഴിമതി : ഇബ്രാഹിംകുഞ്ഞിന്റെ പങ്കാളിത്തം അന്വേഷിക്കാൻ അനുമതി തേടിയെന്ന് വിജിലൻസ്
01:14 AM Oct 26, 2019 | Deepika.com