തിരുവനന്തപുരം: അരൂർ ഉപതെരഞ്ഞെടുപ്പു പരാജയവുമായി ബന്ധപ്പെട്ട എല്ലാ ഘടകങ്ങളും സിപിഎം പരിശോധിക്കുമെന്നു മന്ത്രി ഡോ. തോമസ് ഐസക്.
മന്ത്രി ജി. സുധാകരന്റെ പൂതന പരാമർശം തോൽവിക്കു കാരണമായെന്ന ആരോപണം പരിശോധിക്കുമോ എന്ന മാധ്യമ പ്രവർത്തകരുടെ ചോദ്യങ്ങൾക്ക് തോൽവിക്ക് ഇടയാക്കിയ എല്ലാ ഘടകങ്ങളും പരിശോധിക്കുമെന്നായിരുന്നു തോമസ് ഐസക്കിന്റെ മറുപടി. പാർട്ടിയുടെ മണ്ഡലം- ജില്ലാ കമ്മിറ്റികൾ ചേർന്ന് പരാജയത്തിന്റെ എല്ലാ വശങ്ങളും പരിശോധിക്കും. തുടർന്നു സംസ്ഥാന സമിതി ചേർന്നു യുക്തമായ നടപടി സ്വീകരിക്കുമെന്നും തോമസ് ഐസക് പറഞ്ഞു. സമുദായ നേതാക്കൾ രാഷ്ട്രീയത്തിൽ ഇടപെടുന്നതു ശരിയല്ലെന്നു ഉപതെരഞ്ഞെടുപ്പു ഫലം തെളിയിച്ചതായി മന്ത്രി പറഞ്ഞു.
എല്ലാ ഘടകങ്ങളും പരിശോധിക്കും: മന്ത്രി തോമസ് ഐസക്
01:14 AM Oct 26, 2019 | Deepika.com