ഗാന്ധിനഗർ (കോട്ടയം): സംസ്ഥാന ജൂണിയർ അത്ലറ്റിക് മീറ്റിനിടെ ഹാമർ ത്രോ തലയിൽ വീണു ഗുരുതര പരിക്കേറ്റു കോട്ടയം മെഡിക്കൽ കോളജ് ആശുപത്രി ക്രിട്ടിക്കൽ കെയർ യൂണിറ്റിൽ ചികിത്സയിൽ കഴിയുന്ന പാലാ സെന്റ് തോമസ് ഹയർ സെക്കൻഡറി സ്കൂളിലെ പ്ലസ് വണ് വിദ്യാർഥി അഫീൽ ജോണ്സന്റെ (17) ആരോഗ്യനില മോശമാകുന്നുവെന്ന് ഡോക്ടർമാർ അറിയിച്ചു.
രക്തസമ്മർദം ഇടയ്ക്കിടെ താഴുന്നതു ഡോക്ടർമാരെയും ആശങ്കപ്പെടുത്തുന്നുണ്ട്. മറ്റ് അവയവങ്ങളുടെ പ്രവർത്തനങ്ങൾ സാധാരണ നിലയിൽ ആയിരുന്നെങ്കിലും കഴിഞ്ഞ ദിവസം മുതൽ വൃക്കകളുടെ പ്രവർത്തനം തകരാറിലാ യി.തുടർന്ന് ഡയാലിസിസ് ചെയ്തെങ്കിലും പുരോഗതിയുണ്ടെന്നു പറയാറായിട്ടില്ലെന്നു ഡോക്ടർമാർ പറയുന്നു.
ശരീരത്തിനു ക്ഷതവും തലയോട്ടി പൊട്ടിയതു മൂലമുണ്ടാകുന്ന അണുബാധയുമാണ് വൃക്കകളുടെ പ്രവർത്തനത്തെ തടസപ്പെടുത്തുന്നതെന്ന് നെഫ്രോളജി വിഭാഗം ഡോക്ടർമാർ അറിയിച്ചു.
അഫീലിന്റെ നില ഗുരുതരം
01:18 AM Oct 12, 2019 | Deepika.com