മണർകാട്: ബൈക്കിൽനിന്നു വീണു പരിക്കേറ്റു ചികിത്സയിലിരിക്കെ മരിച്ച ബാലികയുടെ സംസ്കാരം നടത്തി.
പാന്പാടി വെള്ളൂർ കൊല്ലംകുഴിയിൽ കൊച്ചുമോന്റെ മകൾ അലോണ(ആറ്)യാണ് മരിച്ചത്. കഴിഞ്ഞ ശനിയാഴ്ച പിതാവിനൊപ്പം യാത്ര ചെയ്യുന്നതിനിടെ ബ്രേക്ക് ചെയ്തപ്പോൾ ബൈക്ക് ചെരിയുകയും അലോണ നിലത്തു വീഴുകയുമായിരുന്നു. പുറത്ത് പരിക്കില്ലായിരുന്നതിനാൽ ഇരുവരും വീട്ടിലേക്കു മടങ്ങി.
പിറ്റേന്നു രാവിലെ ശാരീരിക അസ്വസ്ഥത അനുഭവപ്പെട്ട അലോണയെ ആദ്യം സ്വകാര്യ ആശുപത്രിയിലും തുടർന്നു മെഡിക്കൽ കോളജിലും പ്രവേശിപ്പിച്ചെങ്കിലും ഇന്നലെ രാവിലെ മരണം സംഭവിച്ചു. സംസ്കാരം നടത്തി. മാലം മൗണ്ട് മേരി പബ്ലിക് സ്കൂൾ വിദ്യാർഥിയായിരുന്നു. അമ്മ: ഗീത. സഹോദരങ്ങൾ: സോണ, ഡോണ.
ബൈക്കിൽനിന്നു വീണു മരിച്ച ബാലികയുടെ സംസ്കാരം നടത്തി
11:29 PM Oct 11, 2019 | Deepika.com