കൊച്ചി: കെവിന് വധക്കേസിലെ ഒന്നാം പ്രതി ഷാനു ചാക്കോ ഉള്പ്പെടെ എട്ടു പ്രതികള് വിചാരണക്കോടതി വിധിച്ച ശിക്ഷയ്ക്കെതിരേ ഹൈക്കോടതിയില് അപ്പീല് നല്കി. കേസില് ഏറ്റുമാനൂര് ജുഡീഷ്യല് ഫസ്റ്റ് ക്ലാസ് മജിസ്ട്രേട്ട് കോടതി വിധിച്ച ഇരട്ട ജീവപര്യന്തം തടവുശിക്ഷയെ ചോദ്യം ചെയ്താണ് പ്രതികള് ഹൈക്കോടതിയെ സമീപിച്ചത്. ഷാനുവിനു പുറമേ രണ്ടാം പ്രതി നിയാസ് മോന്, മൂന്നാം പ്രതി ഇഷാന് ഇസ്മയില്, നാലാം പ്രതി റിയാസ്, ആറാം പ്രതി മനു മുരളീധരന്, ഏഴാം പ്രതി ഷിഫിന് ഷജാദ്, 11-ാം പ്രതി ഫാസില് ഷെരീഫ്, 12 -ാം പ്രതി ഷാനു ഷാജഹാന് എന്നിവരാണ് അപ്പീല് നല്കിയത്.
കോട്ടയം നട്ടാശേരി സ്വദേശിയായ കെവിന് പി. ജോസഫിനെ ഒന്നാം പ്രതി ഷാനുവിന്റെ നേതൃത്വത്തിലുള്ള സംഘം മര്ദിച്ചു കൊലപ്പെടുത്തിയെന്നാണ് കേസ്. ഷാനുവിന്റെ സഹോദരി നീനുവിനെ ദളിത് ക്രൈസ്തവ വിഭാഗത്തിലുള്പ്പെട്ട കെവിന് പ്രണയിച്ചു വിവാഹം കഴിച്ചതിലുള്ള വൈരാഗ്യമാണ് കൊലയ്ക്ക് കാരണമെന്ന് പോലീസ് കണ്ടെത്തിയിരുന്നു.
കെവിന് വധക്കേസ്: പ്രതികള് ഹൈക്കോടതിയില് അപ്പീല് നല്കി
12:03 AM Oct 11, 2019 | Deepika.com