തൊടുപുഴ: പ്രളയ ദുരിതാശ്വാസ പ്രവർത്തനത്തിനിടെ രോഗബാധിതനായി ചികിത്സയിലിരുന്ന റിട്ടയേർഡ് മേജർ മരിച്ചു. തൊടുപുഴ പെരുന്പിള്ളിച്ചിറ ശ്രീകൃഷ്ണപുരം വൈഷ്ണവ (ഗൗരി മന്ദിരം) ത്തിൽ പി.എൻ. രാമകൃഷ്ണന്റെ മകൻ റിട്ടയേർഡ് മേജർ ഡോ. ആർ. ലാൽ കൃഷ്ണ(45)യാണ് മരിച്ചത്.
കഴിഞ്ഞ മഴക്കാലത്ത് ഉരുൾപൊട്ടൽ മേഖലകളിൽ ദുരിതാശ്വാസ പ്രവർത്തനം നടത്തുന്നതിനിടെ രോഗബാധിതനാവുകയായിരുന്നു. സംസ്കാരം നടത്തി. 1999ൽ നടന്ന കാർഗിൽ യുദ്ധത്തിൽ ഉൾപ്പെടെ പങ്കെടുത്ത് രാഷ്ട്രപതിയുടെ സേനാമെഡലിന് അർഹനായിട്ടുണ്ട്. ആർഎസ്എസ് ഇടുക്കി വിഭാഗ് പ്രചാർ പ്രമുഖ്, ജനം ടിവി സിഇഒ, അന്താരാഷ്ട്ര ശ്രീകൃഷ്ണ കേന്ദ്രം കോ-ഓർഡിനേറ്റർ, തൊടുപുഴ സരസ്വതി സെൻട്രൽ സ്കൂൾ അഡ്മിനിസ്ട്രേറ്റർ എന്നീ നിലകളിൽ പ്രവർത്തിച്ചിട്ടുണ്ട്. ഭാര്യ റിട്ടയേർഡ് മേജർ അന്പിളി ലാൽ കൃഷ്ണ. മകൻ: വൈഷ്ണവ് (ആറാം ക്ലാസ് വിദ്യാർഥി സരസ്വതി സെൻട്രൽ സ്കൂൾ, തൊടുപുഴ).
പ്രളയദുരിതാശ്വാസ പ്രവർത്തനത്തിനിടെ രോഗബാധിതനായ റിട്ട. മേജർ മരിച്ചു
11:23 PM Oct 10, 2019 | Deepika.com