തിരുവനന്തപുരം: നിയമസഭാ സമ്മേളനം ഒക്ടോബർ 28 മുതൽ നവംബർ 21 വരെ വിളിച്ചു ചേർക്കാൻ ഗവർണറോടു ശിപാർശ ചെയ്യാൻ മന്ത്രിസഭാ യോഗം തീരുമാനിച്ചു. കേരളപ്പിറവി ദിനമായ നവംബർ ഒന്നിന് മഹാത്മാഗാന്ധിയുടെ 150-ാം ജന്മവാർഷികത്തോ ടനുബന്ധിച്ചു പ്രത്യേക സമ്മേളനം ചേരും. ഇക്കാര്യം നിയമസഭയുടെ കാര്യോപദേശക സമിതി ചർച്ച ചെയ്യും. കേരളപ്പിറവി ദിനത്തിൽ തന്നെ നിയമസഭാ ടിവി ചാനലിന്റെ ഉദ്ഘാടനവും നടക്കും.
ഉപതെരഞ്ഞെടുപ്പുകളിൽ വിജയിച്ചെത്തുന്ന പുതിയ അംഗങ്ങളുടെ സത്യപ്രതിജ്ഞയോടെയാണ് 28നുള്ള സമ്മേളനം ആരംഭിക്കുന്നത്. നിലവിലുള്ള ഓർഡിനൻസുകൾക്കു പകരമുള്ള ബില്ലുകളും പുതിയതായി അവതരിപ്പിക്കുന്ന ബില്ലുകളും സഭയുടെ പരിഗണനയ്ക്കു വരും.
നിയമസഭാ സമ്മേളനം 28 മുതൽ
01:08 AM Oct 10, 2019 | Deepika.com