കൊച്ചി: മുഖ്യമന്ത്രിയെ അപമാനിക്കുന്ന വാട്സാപ് സന്ദേശം പ്രചരിപ്പിച്ചെന്ന പേരിൽ സർവീസിൽനിന്നു സസ്പെൻഡ് ചെയ്ത കെഎസ്ആർടിസി കണ്ടക്ടറെ അച്ചക്കട നടപടിക്കു വിധേയമായി തിരിച്ചെടുക്കണമെന്നു ഹൈക്കോടതി. സർവീസിൽനിന്നു സസ്പെൻഡ് ചെയ്തതിനെതിരേ കണ്ടക്ടറായ തിരുവനന്തപുരം മരിയാപുരം സ്വദേശി എസ്. പ്രശാന്ത് നൽകിയ ഹർജിയിലാണു സിംഗിൾബെഞ്ച് തീരുമാനം.
മുഖ്യമന്ത്രി ഉൾപ്പെടെയുള്ളവർക്കെതിരേ അപകീർത്തികരമായ സന്ദേശം വാട്സാപിൽ പ്രചരിപ്പിച്ചതിനെത്തുടർന്നു മേയ് പത്തിനാണ് ഹർജിക്കാരനെ സസ്പെൻഡ് ചെയ്തത്. മറ്റാരോപണങ്ങൾ ഇയാൾക്കെതിരേ നിലവിലില്ലെന്നു ഹൈക്കോടതി വിലയിരുത്തി.
വാട്സാപ് സന്ദേശം: കെഎസ്ആർടിസി കണ്ടക്ടറെ തിരിച്ചെടുക്കാൻ ഉത്തരവ്
01:08 AM Oct 10, 2019 | Deepika.com