തൊടുപുഴ: സ്കൂട്ടറും കാറും കൂട്ടിയിടിച്ച് കേരള കോണ്ഗ്രസ് നേതാവ് മരിച്ചു. കേരള കോണ്ഗ്രസ് -എം പുറപ്പുഴ മണ്ഡലം സെക്രട്ടറിയും പുറപ്പുഴ സഹകരണ ബാങ്ക് റിട്ട.ജീവനക്കാരനുമായിരുന്ന മുളങ്കൊന്പിൽ എം.ജെ. ജോസഫ് (61) ആണ് മരിച്ചത്. കൂടെ സ്കൂട്ടറിൽ യാത്ര ചെയ്തിരുന്ന കുന്നത്തേൽ ഒൗസേപ്പച്ചൻ പരിക്കുകളോടെ തൊടുപുഴയിലെ സ്വകാര്യ ആശുപത്രിയിൽ ചികിൽസയിലാണ്. തിങ്കളാഴ്ച ഉച്ചയ്ക്ക് 11.30 ഓടെ തൊടുപുഴ -വൈക്കം റൂട്ടിൽ പാറക്കടവിൽ ആയിരുന്നു അപകടം.
സംസ്കാരം ഇന്ന് രണ്ടിന് പുറപ്പുഴ സെന്റ് സെബാസ്റ്റ്യൻസ് പള്ളിയിൽ. കോ-ഓപ്പറേറ്റീവ് എംപ്ലോയ്സ് ഫ്രണ്ട് താലൂക്ക് പ്രസിഡന്റായിരുന്നു. ഭാര്യ മേരി പുറപ്പുഴ തളായിക്കാട്ട് കുടുംബാംഗം. മക്കൾ: അനിറ്റ, അനില. മരുമക്കൾ: ടോണി കേളകത്ത് (മുതലക്കോടം), ലിൻജോ ഈന്തുങ്കൽ മേമടങ്ങ്.
സ്കൂട്ടറും കാറും കൂട്ടിയിടിച്ച് കേരള കോണ്. നേതാവ് മരിച്ചു
12:44 AM Oct 09, 2019 | Deepika.com