രണ്ടു കോടിയുടെ മയക്കുമരുന്നുമായി മൂന്നു തമിഴ്നാട്ടുകാർ പിടിയിൽ
12:44 AM Oct 09, 2019 | Deepika.com
നെടുന്പാശേരി: കൊച്ചി രാജ്യാന്തര വിമാനത്താവളത്തിൽ രണ്ടു കോടി രൂപയിലേറെ വിലവരുന്ന 820 ഗ്രാം മെത്താംഫീറ്റമിൻ മയക്കുമരുന്നുമായി മൂന്നു തമിഴ്നാട് സ്വദേശികൾ സിഐഎസ്എഫിന്റെ പിടിയിലായി. ചെന്നൈ മന്നാടി അംഗപ്പൻ സ്ട്രീറ്റിൽ അബ്ദുൾ റസാക്ക്, മുഹമ്മദ് അസ്രത്ത്, രാമനാഥപുരം കിലാക്കരൈ അതുരുധൻ സ്ട്രീറ്റിൽ മുഹമ്മദ് അഫീൻ എന്നിവരാണ് പിടിയിലായത്. എയർ ഏഷ്യ വിമാനത്തിൽ ക്വലാലംപുരിലേക്കു പോകാനെത്തിയ അബ്ദുൾ റസാക്കാണ് ആദ്യം പിടിയിലായത്. ഇയാളുടെ ദേഹപരിശോധനയിൽ അടിവസ്ത്രത്തിൽ 300 ഗ്രാം മയക്കുമരുന്ന് ഒളിപ്പിച്ചതായി കണ്ടെത്തുകയായിരുന്നു.