അതിരപ്പിള്ളി: ഇരിങ്ങാലക്കുട ക്രൈസ്റ്റ് കോളജിലെ വിദ്യാർഥികൾ സഞ്ചരിച്ച മിനി ബസ് മലക്കപ്പാറ പെരുംപാറയിൽ മറിഞ്ഞ് ഒരു വിദ്യാർഥിനി തത്ക്ഷണം മരിച്ചു. എംഎസ്ഡബ്ലിയുവിനു പഠിക്കുന്ന പുല്ലൂർ ഉൗരകം പൊഴോലിപ്പറന്പിൽ വർഗീസിന്‍റെ മകൾ ആൻസി (21)യാണു മരിച്ചത്.
മലക്കപ്പാറയ്ക്കടുത്ത് പെരുമ്പാറയിൽ ഇന്നലെ വൈകുന്നേരം 4.45നായിരുന്നു അപകടം. സോഷ്യൽ വർക്ക് ഡിപ്പാർട്ട്മെന്‍റിലെ വിദ്യാർഥികൾ മലക്കപ്പാറയിൽ പത്തു ദിവസത്തെ സഹവാസ ക്യാമ്പിനുശേഷം തിരികെ കോളജിലേക്കു വരുന്പോഴാണ് അപകടത്തിൽപെട്ടത്.
മൂന്ന് ആണ്‍കുട്ടികളും 17 പെണ്‍കുട്ടികളും രണ്ട് അധ്യാപകരുമടക്കം 22 പേരാണു രണ്ടു ഡ്രൈവർമാരെ കൂടാതെ ബസിലുണ്ടായിരുന്നത്.
പെരുമ്പാറയിൽ വളവു തിരിയുന്നതിനിടെ നിയന്ത്രണംവിട്ട ബസ് വൈദ്യുതിക്കാലിൽ ഇടിച്ചു മറിയുകയായിരുന്നു. കൂടുതൽ പരിക്കേറ്റ അക്ഷ, സോഫിയ, നവ്യ, സജന, സ്റ്റെഫി, ജിയൊ, വിഷ്ണു എന്നിവരെ ചാലക്കുടി സെന്‍റ് ജയിംസ് ആശുപത്രിയിലേക്കു മാറ്റി.
ആൻസിയുടെ അമ്മ: നൈനി. സഹോദരൻ: ആൽബിൻ വർഗീസ്.
കോളജ് ബസ് മറിഞ്ഞ് വിദ്യാർഥിനി മരിച്ചു
01:30 AM Oct 07, 2019 | Deepika.com